Дьиэ кэргэнинэн «Всей семьей» бырайыакка кыттыҥ

Өрөспүүбүлүкэ олохтоохторо Арассыыйатааҕы «Дьиэ кэргэнинэн» («Всей семьей») бырайыакка кытталлар.

Бу РФ Бэрэсидьиэнэ Владимир Путин 2024  сылга биллэрбит Дьиэ кэргэн сылын иитинэн ыытыллар. Бырайыак дьиэ кэргэн үйэлээх сыаннастарын бөҕөргөтөргө, сынньалаҥнарын бииргэ туһалаахтык атааралларыгар туһуланар.

Бырайыагы сэргээбит, сэҥээрбит дьиэ кэргэттэр бырайыак саайтыгар регистрацияланаллар. Нэдиэлэҕэ биирдэ сорудах бэриллэр. Холобур, киэһээҥҥи аһылыгы бэлэмнээһин, түмэлгэ сылдьыы уо.д.а.

Сорудахтары оҕолор төрөппүттэрин кытта көмөлөөн толороллор. Ол кэнниттэн хаартыскаларын VK эбэтэр «Одноклассники» #всейсемьей хештегтээх таһаараллар.

Ый ахсын тэрийээччилэр түмүктэри таһаараллар уонна кыайыылаахтары наҕараадалыыллар.

Кулун тутар ыйга түмүктүүр тэрээһиҥҥэ саамай көхтөөхтүк кыттыбыт дьиэ кэргэттэргэ бириистэри туттарыахтара. «Дьиэ кэргэнинэн» бырайыакка дойду кэрэ сирдэринэн сылдьарга 100 тур оонньонор уонна да атын сыаналаах бириистэр бааллар.

Кыттыахтарын баҕалаахтар манна киирэн регистрацияланыахтарын сөп:

VK: https://vk.com/im?sel=-223569207;

Одноклассники: https://ok.ru/group/70000004698632/messages

«Дьиэ кэргэнинэн» («Всей семьей») бырайыак туһунан иһитиннэриини бырайыак официальнай саайтыгар: всейсемьей.рф киирэн көрүөххэ сөп.