Дьиэ кэргэҥҥэ ананар үп төлөнөн эрэр

СӨ бырабыыталыстыбата оҕолоох дьиэ кэргэттэргэ бэриллэр төлөбүргэ иэһи сабарга наадалаах үбү буларга үлэни ыытар.

СӨ Үпкэ министиэристибэтэ бу эбэһээтэлистибэлэри сабарга эбии үбү көрдө.
Сэтинньи 17 күнүгэр диэри бигэргэтиллибит сайаапкалаахтарга (Дьиэ кэргэн хапытаала, «Үйэ оҕолоро» тус сыаллаах хапытаал, сир учаастагын оннугар бэриллэр ЕДВ) төлөбүр  бу сыл сэтинньи 21 күнүттэн бэриллиэҕэ.
Төлөбүрдэри оҥорорго үлэ өссө салҕаныаҕа, сайаапкалары эбии үп киирдэҕинэ уочаратынан толоруохтара.