Хаартыска: Ил Дархан, бырабыыталыстыба пресс-сулууспата
Саха Өрөспүүбүлүкэтигэр нэһилиэнньэ ахсаана быйыл биир мөлүйүөнү аһарда. Ил Дархан Айсен Николаев көҕүлээһининэн Саха сиригэр ийэҕэ уонна оҕо аймахха аадырыстаммыт көмөҕө аналлаах дьаһаллар миэрэлэрэ олоххо киллэриллэллэр.
Ааспыт биэс сылга Саха сиригэр ийэни уонна оҕо аймаҕы өйүүргэ анаммыт дьаһаллары үбүнэн хааччыйыы кээмэйэ 7,7 төгүл улаатан, 26,5 миллиардка тиийдэ (2018 с. баара-суоҕа 3,5 миллиард солкуобай этэ).
Айсен Николаев дьиэ кэргэн уонна оҕо аймах өйөбүлүгэр анаммыт өрөспүүбүлүкэ былаастарын судаарыстыбаннай бэлиитикэтэ мэлдьи дьоһун суолталаах хайысханан буола туруоҕун бэлиэтээбитэ.
Ил Дархан көҕүлээһининэн “Дьиэ кэргэн” өрөспүүбүлүкэтээҕи Ийэ хапытаалын кээмэйэ 2024 сылтан икки төгүл, 300 тыһыынча солкуобайга диэри улаатыаҕа. 2023 сылга 1 926 дьиэ кэргэн 223,3 мөлүйүөн уопсай суумалаах тустаах төлөбүрү ылла.
Саха Өрөспүүбүлүкэтэ 100 сылыгар олохтоммут “Сүүс сыл оҕолоро” тус сыаллаах хапытаал 2022 сыл тохсунньу 1 күнүттэн 2027 сыл ахсынньы 31 күнүгэр диэри төрөөбүт оҕолорго бэриллэр. 100 тыһыынча суумалаах төлөбүр суумата 2023 сылга 105 тыһыынчаҕа тэҥнэспитэ.
Билиҥҥи туругунан, тус сыаллаах хапытаалы ылар быраабы туһанар туһунан 18 236 быһаарыы ылылынна.
2023 сыл тохсунньу 1 күнүттэн өрөспүүбүлүкэҕэ биир кэмнээх харчынан эбии төлөбүр киллэриллибитэ. Бу 200 тыһыынча солкуобай суумалаах төлөбүр үс уонна онтон элбэх оҕолоох ыалга сир учаастагын босхо биэрии оннугар олорор дьиэни тупсарарга бэриллэр. Итинник төлөбүр 1684 дьиэ кэргэҥҥэ бэрилиннэ, өссө 707 сайабылыанньа үөрэтиллэ сылдьар.
Айсен Николаев ону таһынан дьиэ кэргэни өйүүр саҥа дьаһаллара олоххо киллэриллиэхтэрэ. Ол курдук, 25-гэр диэри саастаах аан бастаан ыал буолар эдэр дьоҥҥо 50 тыһыынча суумалаах биир кэмнээх харчынан төлөбүр 2024 сыл тохсунньу 1 күнүттэн бэриллиэҕэ.
(СӨ Ил Дарханын уонна бырабыыталыстыбатын пресс-сулууспатын матырыйаалынан)
Горнай улууһугар Атамай ыччата дойдуларын сайыннарарга сүҥкэн кылааттарын киллэрсэллэр. Олохтоох дьаһалта үлэһитэ Айсен Егорович Павлов…
Ытыктабыллаах Саха сирин олохтоохторо! Аан дойдутааҕы Дьиэ кэргэн күнүнэн ис сүрэхпиттэн эҕэрдэлиибин! Дьиэ кэргэн –…
Бүгүн күн-дьыл хайдаҕый? Ханна ардыыр, тыалырар? Дьокуускайдааҕы гидрометеорологическай сулууспа туох диирий? Түүн арҕаа, киин улуустар…
Өлүөхүмэҕэ балаһыанньа билигин даҕаны уустугун уу түһэ илигэ туоһулуур. Билигин нэһилиэнньэҕэ бастакы ирдэнэр малы, ону…
Ил Дархан Айсен Николаев VIII норуоттар икки ардыларынааҕы «Азия оҕолоро» спортивнай оонньуулар ыытыллыахтаах эбийиэктэрин кэрийэн…
«Азия оҕолоро» спортивнай оонньуулар ыытыллар эбийиэктэригэр террортан куттал суох буолуутун хааччыйар кэккэ боппуруоһу анал хамыыһыйа…