Дьиэ кэргэттэр устуоруйа пааркатыгар босхо сылдьыахтара

«Арассыыйа — мин устуоруйам» устуоруйа пааркатыгар оскуолаҕа үөрэнэр оҕолоох ыаллар босхо экскурсияларга сылдьахтарын сөп. 

Бу аахсыйа Дьиэ кэргэн уонна Оҕо саас сылларыгар ананар, оҕолор, төрөппүттэр Саха сирин уонна Арассыыйа устуоруйатын билэллэригэр, патриотическай иитиигэ туһуланар.

2024 сыл устата ый аайы үһүс баскыһыанньаҕа төрөппүттэр оскуолаҕа үөрэнэр саастаах оҕолорун кытта маннык экспозицияларга босхо сылдьыахтарын сөп:

— «Рюриковичи»;
— «Романовы»;
— «Россия — Моя история 1945 — ХХI век»;
— «Моя история: ХХ век 1914 — 1945: От великих потрясений к Великой Победе».

— Бу бырайыак — оҕону иитиигэ, сайыннарыыга биһиги кыракый кылааппыт буолар. Биһиги дойдубут улуу устуоруйатын билиэхтээхпит, оҕолорбутун эмиэ үөрэтиэхтээхпит. Биһиэхэ кэлэн, дьиэ кэргэнинэн сынньаныаххыт, билиигитин хаҥатыаххыт, элбэх интэриэһинэйи билиэххит диэн эрэнэбин. Судаарыстыба дьиэ кэргэни бары өттүнэн өйүүр, биһиги да онтон туора турбаппыт, — диэн «Арассыыйа — мин устуоруйам» паарка дириэктэрэ Дмитрий Соловьев эттэ.

2024 сылы бэрэсидьиэн Владиимр Путин Дьиэ кэргэн сылынан биллэрбитэ. Анал ыйааҕар оҕолоох дьиэ кэргэттэргэ култуура, успуорт тэрилтэлэригэр босхо, эбэтэр чэпчэтиилээх сылдьалларын ыйбыта.