Дьиэ кэргэттэргэ оонньуулары, күрэстэри тэрийдилэр

Дьиэ кэргэттэргэ оонньуулары, күрэстэри тэрийдилэр

04.06.2024, 17:30
Хаартыска: үлэ, социальнай сайдыы министиэристибэтэ.
Бөлөххө киир:

Дьиэ кэргэн сылыгар Арассыыйа бары эрэгийиэннэригэр ыам ыйыттан балаҕан ыйыгар диэри «Большие семейные выходные» диэн аахсыйа ыытыллар. Бэс ыйын 1-2 күннэригэр Дьокуускайга, Үөһээ Дьааҥы, Ленскэй, Муома улуустарыгар көхтөөхтүк ыытылынна.

Хаартыска: үлэ, социальнай сайдыы министиэристибэтэ.

Бу ааспыт өрөбүл күннэргэ Дьокуускай куорат дьаһалтата уонна Үлэҕэ, социальнай сайдыыга министиэристибэтэ дьиэ кэргэттэргэ бэртээхэй бырааһынньыгы тэрийдилэр. Араас күрэстэр, оонньуулар, аттракционнар ыытылыннылар.

Саамай көхтөөхтүк «Мама, папа и я — спортивная семья» күрэхтэһии буолла. Манна 2014-2015 сылларга төрөөбүт оҕолоох дьиэ кэргэттэр кытыннылар.

Күрэхтэһии түмүгүнэн, 1-кы миэстэни — Захаровтар, 2-с миэстэни — Корякиннар, 3-с миэстэни — Даниловтар ыллылар. Кыайбыттарга бириистэрэ да бэртээхэй буолла. Захаровтар бэлисипиэт, Корякиннар мультиварка, Даниловтар салгыны сиигирдэр тэрили тутан үөрдүлэр-көттүлэр.

Онтон Хатаска Панаев аатынан бибилэтиэкэ былаһааккатыгар «ИНВА-ИГРОТЕКА»диэн оонньуу тэрилиннэ. Бу чэрчитинэн, араас куонкурустар, маастар-кылаастар, оонньуулар ыытылыннылар.

Ленскэй оройуон ыччакка управлениета дьиэ кэргэттэргэ интэриэһинэй квест оонньууну уонна хаартысканан күрэһи тэрийэн ыытта. Дьиэ кэргэттэр бары биир фотозонаны кырааскалаан, хаартыскаҕа түстүлэр, умнуллубат күнү атаардылар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 июля
  • 28°C
  • Ощущается: 28°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: