Дьиэ кэргэттэри босхо маастар-кылаастарга ыҥыраллар
![](https://sakha-sire.ru/wp-content/uploads/2024/07/mk-956x596.png)
«Мин биисинэһим» киин “СемьЯ Мой бизнес” бэстибээл чэрчитинэн, урбаанньыттар уонна бэйэ дьарыктаах дьон ыытар босхо маастар-кылаастарыгар сылдьарга ыҥырар.
Маастар-кылаастар сарсыарда 10 аҥаар чаастан күнүс 1 чааска диэри хас да былаһаакканан ыытыллыахтара.
Ыалдьыттарга маһынан ойууну быһарга, пэчворк ньыматын туһанан паннолары оҥорууга, хаартыскалары уонна видеолары оҥорууга, биисинэскэ маркетинг сүрүн ньымаларыгар маастар-кылаастар, ону тэҥэ, олохтоох бородууксуйа быыстапката уонна атыыта, куонкурустар уонна култуура тэрээһиннэрэ тэриллиэхтэрэ.
Ону таһынан, бэстибээлгэ аан дойдутааҕы таһымнаах спикер Павел Вербняк уонна урбаанньыт Сардаана Ушницкая стратегическай маркетиҥҥа уопуттарын, биисинэстэрин ньымаларын үллэстиэхтэрэ.
Буолар сирэ: “Орто Дойду” эко-паарка гостиницата
Сиһилии бу сигэнэн билсиэххэ сөп: https://mybusiness14.rf/news/146657/.
Санатан эттэххэ, Арассыыйа бэрэсидьиэнэ Владимир Путин көҕүлээһининэн ыытыллыбыт “Кыра уонна орто урбаан” национальнай бырайыагын олоххо киллэрии чэрчитинэн, “Мин биисинэһим” киин урбаанньыттарга киэҥ араҥалаах өҥөлөрү босхо оҥорор.
Сообщить об опечатке
Текст, который будет отправлен нашим редакторам: