Дьиэ көтөрүн сымыыттан таһаарыахтара

Горнай улууһун Атамай нэһилиэгин «Ситим” кэмиэрчэскэйэ суох  тэрилтэтин В.Д.Лонгинов аатынан Атамай орто агро-оскуолатын “Исток” эдэр учууталларын түмсүүтэ «Научно-исследовательский центр “АГРО-ПИТОМНИК” АПК-ны дириҥэтэн үөрэтиигэ научнай-чинчийэр киинэ” СӨ Ил Дарханын 1 040 250 солк. гранын ылары ситистэ.

Бырайыак ааптарынан Атамай орто оскуолатын учуутала, «Ситим”  уопсастыбаннай түмсүү бэрэссэдээтэлэ Татьяна Павлова буолар.

Бырайыак чэрчитинэн, дьиэ көтөрүн сымыыттан таһаарыыга, көрүүгэ-истиигэ табыгастаах ньымалары чинчийиигэ, оҥорон таһаарыыга, оскуола үөрэнээччилэрин бу сатабылга үөрэтиигэ дириҥ суолталаах, кэскиллээх үлэ ыытыллыа.

Итиэннэ, араас үүнээйини, чуолаан, клубниканы, күөх салаты гидропоника ньыматынан  аныгы оборудованиеҕа үүннэрэн таһаарыахтара.

Нэһилиэкпит инникигэ эрэллээх, киэҥ билиилээх дьонунан киэн туттабыт. Үрдүк ситиһиигитинэн эҕэрдэбитин тиэрдэбит.

Валентина Яковлева

Хаартыскаҕа: Татьяна Павлова түһэриитэ