Дьиэ таһыгар чыычаахтары аһатан ыстарааптаныахха сөп

Олорор дьиэ таһыгар чыычаахтары, холууптары аһатан ыстарааптаныахха сөбүн туһунан ТАСС суруйар. 

Чыычаахтары аһатан, санитарнай-эпидемиологическай кутталы үөскэтиэххэ сөбүн туһунан Госдуума ОДьКХ-ҕа кэмитиэтин бэрэссэдээтэлин солбуйааччы Сергей Колунов иһитиннэрбит.

«Чыычаахтары, холууптары олорор дьиэ таһыгар аһатан, РФ Административнай быраабын 8.2. ыстатыйатынан («Несоблюдение требований в области охраны окружающей среды при обращении с отходами производства и потребления») эппиэтинэскэ тардыллар куттал баар. Маннык суут быраактыката баар. Ол эрээри, бу санитарнай-эпидемиологическай кутталы суоһуур эрэ буоллаҕына көрүллэр. Ол иһин бу аһаппыт иһин буолбакка, ол түмүктэриттэн ыстарааптаныахха сөп», — диэн дьокутаат эппит.

Бу ыстатыйанан гражданнар 2-3 тыһ.солк., дуоһунастаах дьон 10-30 тыһ.солк., тэрилтэлэр 100-250 тыһ.солк. ыстарааптаныахтарын сөп.