Дьиэ тутуутугар албыннаппыттар бырааптарын көмүскээтилэр

Дьокуускай куорат Кальвица уулуссатыгар турар элбэх кыбартыыралаах дьиэни кыһалҕалаах эбийиэктэр испииһэктэриттэн таһаардылар. Хаһаайын буолуохтаахтара табыллыбатах дьон толуйуу төлөбүрүн бары ыллылар диэн албыннаппыт дольщиктар бырааптарын көмүскүүр өрөспүбүлүкэтээҕи пуонда иһитиннэрэр.

Албыннаппыт дольщиктар бырааптарын «Фонд развития территорий» публичнай-правовой хампаанньа нөҥүө төнүннэрдилэр.

Санатан суруйдахха, «Строймонтаж-2002» ХЭУо тутууну 2018 сыл II кварталыгар бүтэриэх буолан баран, ылыммыт эбэһээтэлистибэтин толорботоҕо. 193 дольщик кыбартыыраларын ылбатахтара. Тутуу болдьоҕор кэһиилэр тахсан, эбийиэги кыһалҕалаах тутуулар испииһэктэригэр киллэрбиттэрэ. Ааспыт сыл от ыйыгар тутааччы Саха сирин арбитражнай суутунан эстибит тэрилтэнэн (банкрот) биллэриллибитэ.

Быйыл от ыйыгар СӨ арбитражнай суутун быһаарыытынан «Строймонтаж-2002» ХЭУо сиргэ учаастагын онно баар ситэрбэтэх эбийиэгин кытта быраабын биэрэр туһунан «Фонд развития территорий» публичнай-правовой хампаанньа сайабылыанньатын бигэргэттэ. Балаҕан ыйын бүтүүтэ суут быһаарыыта олоххо киирдэ, бу, эбийиэги кыһалҕалаах эбийиэктэр испииһэктэриттэн таһаарарга төрүөт буолар.

Онон өрөспүүбүлүкэҕэ кыһалҕалаах эбийиэктэр ахсааннара алтаттан биэскэ диэри аҕыйаата, албыннаппыт дольщиктар ахсааннара 500-тэн 307 диэри көҕүрээтэ.

СӨ Ил Дарханын уонна Бырабыыталыстыбатын пресс-сулууспата.