Хаартыска: М.Васильева (СИА)
Саха сиригэр суобаһа суох дьиэ тутааччыларга албыннаппыт дьоҥҥо харчыларын төнүннэрэн эрэллэр.
Быйыл муус устар 1 күнүттэн өлүүлэһээччи (дольщик) быраабын көмүскүүр өрөспүүбүлүкэтээҕи пуонда кэмпэнсээссийэ сайабылыанньаларын ылар буолла. Бу туһунан өрөспүүбүлүкэтээҕи Тутуу министиэристибэтэ иһитиннэрдэ.
Биэдэмистибэҕэ бэлиэтээбиттэринэн, бу сыалга өрөспүүбүлүкэ бүддьүөтүгэр 92,5 мөлүйүөн солкуобай көрүллүбүт. Билигин 70 киһи төлөбүрү ылла, өссө 16 гражданин докумуон оҥорор түһүмэҕэр сылдьар. 86 киһи эмсэҕэлээбит тутуу кыттыылаахтарын эрэгийиэннээҕи реестрдарыгар киирдэ. Бу дьон дьиэ тутуутугар харчы укпуттар да, сорох тэрилтэлэр көҥүлэ суох, сир бырааба суох дьиэ туппуттарын иһин эрэннэрбит кыбартыыраларын ылбатахтар. Ол тутааччылар истэригэр “Битяй” СПСК, “Градстрой” СПСК, “АИФ” ХЭУо, “Новый Дом” ЖНК, “Теплосервис” ХЭУо уо.д.а бааллар.
Кэмпэнсээсийэни ылар туһугар өрөспүүбүлүкэтээҕи акционердар бырааптарын көмүскүүр пуондаҕа маннык аадырыска билсиэххэ сөп: Дьокуускай к., Ленин проспега, 3/1, офис 726 (7 этээс). Эрдэттэн суруттарыы нүөмэрэ: 31-90-39. Ирдэнэр докумуоннар: пааспар, нолуок идентификационнай нүөмэрэ, страховка нүөмэрэ, баан счетун реквизиттэрэ, ону тэҥэ эмсэҕэлээбиттэр реестрдарыгар олоҕуран киирэр докумуоннар оригиналлара — тутааччыны кытта дуогабар, төлөбүр квитанциялара, суут быһаарыылара уонна да атын туоһулуур матырыйааллар.
Сиһилии бу сигэнэн билсиҥ: https://www.sakha.gov.ru/news/5379
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…