Дьиэ умайа сыста

Дьокуускайга ахсынньы 10 күнүгэр 17 ч. 26 мүн. баһаарынай-быыһыыр сулууспаҕа Лонгинов уулуссатыгар түөрт этээстээх дьиэҕэ баһаар буолан эрэрин туһунан иһитиннэрбиттэр.

Дьокуускайдааҕы баһаарынай-быыһыыр гарнизон уоту утары охсуһааччылара миэстэтигэр суһаллык тиийбиттэр. Баһаар уота 2 п. 4 этээһигэр уот щитын 2 кв.м. иэннээх сири, дьиэ истиэнэтин 5 кв.м. иэннээх сири, кырыыһатын 5 кв.м. иэннээх сири уонна кыбартыыра истиэнэтин 1 кв.м. иэннээх сири сиэбит. Уот сиэбит уопсай иэнэ 13 кв.м.

Уопсайа 20 киһи эвакуацияламмыт. Уот турбут биричиинэтэ щитка замыкание (уот боруобатын хатыһыытыттан) барбытыттан. Буруйдаах уонна хоромньу быһаарыллар.

Уоту умуруорууга 13 баһаарынай уонна 3 тиэхиньикэ үлэлээбит.

Хаартыска: РФ ЫБММ Саха сиринээҕи управлениетын архыыбыттан.