Дьиэ-уот хомунаалынай өҥөтүгэр элбэх оҕолоох ыалларга 30 % чэпчэтии көрүллэр

Туһааннаах чэпчэтии туһунан “Субсидия агентствота” тэрилтэ Социальнай өйөбүл миэрэлэрин арыаллыыр отдела маннык быһаарда:

Төлөбүрүнэн 18 диэри саастаах (күнүскү үөрэххэ үөрэнэр эбэтэр аармыйаҕа сулууспалыыр буоллаҕына 23 диэри) үс уонна онтон элбэх оҕолоох ыал туһанар.

Сайабылыанньа биэрэр ый иннинээҕи 12 ыйдааҕы  дьиэ-уот уонна хомунаалынай өҥөлөрүн төлөөбүт кибитээнсийэлээх буолуохтаахтар.

Сайаапкалаах киһи бырапыыскаламмыт биир эрэ дьиэтигэр төлөбүр ананар

Докумуону хайдах биэрэбит?

1. e-yakutia порталга тус кабинетка киирэҕин, ол суох түгэнигэр портал сүрүн сирэйигэр регистрацияланаҕын, “Льготы” диэни талаҕын;
2. Дьиэ-уот уонна хомунаалынай өҥөлөр төлөбүрдэригэр элбэх оҕолоох ыалларга 30 бырыһыаннаах чэпчэтиини биэрии, “Получить услугу” кунуопканы баттыыгын;
3. Сайаапкалааччы эбэтэр сайаапкалааччы киһи оннугар бэрэстэбиитэлэ биэрэр буоллаҕына, уопсай сибидиэнньэлэри толоробут;
4. Бэйэҥ тускунан чахчыны “Шаг-2” кунуопканы баттаан бигэргэтэҕин;
5. Дьиэ кэргэн чилиэннэрин (эр/ойох уонна оҕолоро) туһунан сибидиэнньэлэри толороҕун. Ыал хас биирдии чилиэнин туһунан сибидиэнньэлэри уочаратынан толороҕун, “Шаг-3” баттыыгын;
6. Счету арыйбыт бааҥҥыт туһунан чахчылары толороҕун уонна счетуҥ реквизиттэрин ыйаҕын, “Шаг-4” баттыыгын;
7. Хомунаалынай өҥө төлөбүрдэрин туһунан сибидиэнньэлээх докумуоннары угаҕын (хаартыска, скан), өскөтүн ОПД дааннайдара суох буоллахтарына, “Шаг-5” баттыыгын;
8. Сайабылыанньаны бэрэбиэркэлээн баран, “Отправить” баттыыгын.

Биир кэлим босуобуйаны, дьиэ-уот хомунаалынай өҥөтүн төлөбүрүгэр субсидияҕа уо.д.а. анааһыҥҥа дьиэ кэргэн дохуотугар төлөбүр суумата учуоттанар. Билсэр төлөпүөн нүөмэрэ: 8-800-222-50-70.