Дьиэ ымыытын оҥордулар

Ньидьили нэһилиэгэр «Тускул» сынньалаҥ киинигэр Аан дойдутааҕы дьиэ кэргэн күнүгэр аналлаах «Дьиэ ымыыта» маастар-кылаас ыытылынна.

Манна алын кылаас кыргыттара көхтөөхтүк кытыннылар уонна оҥорбут харысхалларын үөрэ-көтө дьиэлэригэр ылан бардылар. Кыттыбыт оҕолорго дьиэ кэргэн харысхалын бэлэх ууннубут.

Салгыы «Дьиэ кэргэн коллекцията» быыстапка турда. Манна нэһилиэкпит дьиэ кэргэттэрэ көхтөөхтүк кытыннылар. Быыстапканы көрө кэлбиттэр сэҥээрэн көрдүлэр-иһиттилэр, дьон араас коллекцияны мунньарыттан  сөхтүлэр.

Альбина Ноговицына.