Дьиэҕэ өлүүлэһэн тутааччылар толуйуу ыларга сайабылыанньаларын Госуслуги нөҥүө биэриэхтэрэ

Кыбартыыраларын кыайан тутуллубатах дьиэлэргэ атыыласпыт өлүүлэһэн тутуу кыттыылаахтара толуйуу ыларга сайабылыанньаларын Госуслуги порталын нөҥүө биэриэхтээхтэр. Ол уураахха Бырабыыталыстыба Бэрэссэдээтэлэ Михаил Мишустин илии баттаата.

2023 сыл ортотуттан маннык кыах баар буолар. Сайабылыанньа биэрэргэ гражданин Госуслуги  порталыгар тус кэбиниэтигэр киириэхтээх. Сайабылыанньаны толоруу ирдэммэт, бары ирдэнэр чахчылар туһанааччы профилыттан быһалыы тахсыаҕа. Сайабылыанньатын көннөрү эбэтэр  электроннай көрүҥүнэн илии баттыахтаах.

Ылыныллыбыт уураах моҥкурууттаабыт тутааччылартан сылтаан кыбартыыраларын кыайан ылбатах дьоҥҥо толуйууну төлөөһүнү түргэтэтэргэ көмөлөһүөҕэ. Билигин сайабылыанньаны Сири-уоту сайыннарыы пуондатын сайтын анал көрүҥүнэн, ону тэҥэ “Арассыыйа почтатын” нөҥүө ыытыахха сөп.

Хаартыска: https://iz.ru/