«Дьиэм аһа» аахсыйаҕа горнайдар көхтөөхтүк кытыннылар

Горнайга Бэрдьигэстээх нэһилиэгин дьаһалтата «Дьиэм аһа» аахсыйаттан туора турбакка улуус нэһилиэктэриттэн, тэрилтэлэриттэн бурдук ас, эт, балык баһыылкаларын хомуйда.

Уопсайа 350 киилэ хомуллан Дьокуускайга «Саллаат ийэтин сүрэҕэ» түмсүүгэ туттарылынна.

Күүс-көмө буолбут дьоммутугар-сэргэбитигэр, аахсыйаҕа кыттыыны ылбыт Кировскай, Маҥаны, Атамай, Солоҕон, Мытаах уонна Бэрдьигэстээхпит  уопсастыбанньыктарыгар, тэрилтэлэригэр махтанабыт. Бу астаныллыбыт ас-үөл, баһыылкалар  Хабаровскай, Владивосток байыаннай чаастарыгар баар биир дойдулаахтарбытыгар тиэрдиллиэҕэ.

Яна Петрова,

Бэрдьигэстээх дьаһалтатын исписэлииһэ.

Хаартыскалар Яна Петрова тиксэриилэрэ