Мария Васильева хаартыската, СИА.
РФ Дьиэ-уот кодексын 158 ыст. 3 ч. олоҕуран, элбэх кыбартыыралаах дьиэҕэ кыбартыыраны урукку бас билээччи хапытаалынай өрөмүөн усунуоһугар иэһин бу хамсаабат баайы-дуолу саҥа бас билээччи төлүүр. Бу сокуон эргэ дьиэни (вторичное жилье) атыылаһааччыларга сыһыаннаах.
СӨ Элбэх кыбартыыралаах дьиэлэри хапытаалынайдык өрөмүөннээһин пуондата дьиэни бас билээччилэри кытта үлэҕэ отделын начаалынньыга Саида Петрова этэринэн, дьиэ атыыласпыт үгүс дьон иэстээхтэрин туһунан истэн соһуйар түгэннэрэ баар.
«Сокуон дьиэни урукку уонна саҥа бас билээччи иэһэ диэн араарбат. Дьиэ-уот эбийиэгин бырааба саҥа бас билээччигэ көһүүтүн кытта тэҥҥэ хапытаалынай өрөмүөн иэһин төлөбүрэ тэбис-тэҥҥэ көһөр. Биһиги атыылаһааччыларга атыылаһыы-атыы дуогабарын толороллоругар бары иэс-күүс, чуолаан хапытаалынай өрөмүөн усунуоһа төлөммүтүн чопчулуулларыгар сүбэлиибит», — диэн Саида Петрова иһитиннэрдэ.
Дьиэлэрин атыылааччылар иэстэрэ суоҕун туһунан маннык аадырыстан ыспыраапка ылыахтарын сөп: Дьокуускай к., Чепалов уул., 32. Приемнуур күннэр: бэнидиэнньик-чэппиэр ( 9 чаастан 18 чааска диэри, эбиэт: 13:00-14:00).
Дьиэни бас билээччи уларыйыытын, төлүүр докумуону тиэрдии, дьиэ иэнин чопчулааһын боппуруостарын быһаарсарга пааспардаах, СНИЛС-тээх, бу дьиэҕэ быраапкытын туоһулуур докумуоннаах кэлэҕит.
Ыйыталаһар төл: 8 (4112) 31-90-14 (эбии *130#) эбэтэр Fоndkr.ru саайтыгар эрийэн (“Обратная связь” кунуопканы баттааҥ).
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…