Дьиэтэ-уота суох хаалбыттарга…
![](https://sakha-sire.ru/wp-content/uploads/2024/07/images-1.jpg)
Саха Өрөспүүбүлүкэтигэр кыаммат дьиэ кэргэттэргэ, соҕотох олорор кыра дохуоттаах олохтоохторго уонна ыарахан балаһыанньаҕа түбэспит атын категориялаах гражданнарга биир кэмнээх сыаллаах-соруктаах үп-харчы көмөтүн оҥорор бырагыраама олоххо киирэр.
Бүгүн баһаартан сылтаан баай-дуол сүтүү түбэлтэтигэр көмө ылар туһунан кэпсиэхпит.
Маннык балаһыанньаҕа судаарыстыба сорох категориялаах гражданнарга сүрүн наадалаах маллары атыылаһарга үп-харчы көмө көрүҥүнэн өйөбүл миэрэлэри оҥоруон сөп.
Бүгүн биһиги сүрүн ыйытыыларга хоруйдуохпут:
Баһаар түмүгэр баайа-дуола бүтүннүү эбэтэр сорҕотун былдьаппыт уонна дьиэ кэргэн хас киһитин аайы биир орто дохуота олохтоммут олоҕу олоруу таһымыттан икки төгүлтэн элбэҕэ суох гражданнар үп-харчы көмөтүн ылыахтарын сөп. Ол туьугар бу курдук докумуоннары туттарыаххытын наада:
— Сыаллаах-соруктаах үп-харчы көмөтүгэр сайабылыанньа;
— Сайабылыанньа биэрээччи уонна кини дьиэ кэргэн чилиэннэрин докумуоннара (паспордара, туоһу суруктара уо.д.а.);
— Баһаар буолбутун туһунан аактата;
— ЕГРН-тан быһа тардыы эбэтэр социальнай аренда дуогабара.
Бу курдук суруллубут докумуоннары манна биэриэххитин сөп:
— Олорор сиргэр Нэһилиэнньэ социальнай көмүскэлгэ уонна улэҕэ управлениетыгар тус бэйэҥ эбэтэр сокуоннай бэрэстэбиитэл нөҥүө;
— Арассыыйа Почтатын нөҥүө.
Оттон докумуоннары туттарарга саамай табыгастаах уонна түргэн ньыма – Регионнааҕы судаарыстыбаннай өҥөлөр портала. Онуоха браузерга бу саайт аадырыһын киллэриэххин наада https://e-yakutia.ru/, ол кээниитэн үөһээ ортотугар «Өҥө каталога» диэни баттыыгыт. Салгыы, «Көрдөө» түннүккэ «Оказание материальной помощи» диэн суруйан баран, көстөр сулууспаны талыҥ. Түмүккэ, наадалаах өҥөнү талыҥ.
Өскөтүн смартфоннаах буоллаххына, үксүн смартфон камератын бу сигэлэргэ QR-код быһыытынан ыйыаххытын эрэ сөп:
Бу мунньубут докумуоннаргытын баһаар тахсыбытын кэннэ 1 халандаарнай сыл иһигэр туттарыахха сөп. Киирбит сайабылыанньа 1 үлэ күнүн иһигэр регистрацияланар уонна өҥө 30 халандаар күнүн иһигэр оҥоһуллар.
Бу өҥөнү оҥорортон аккаастанар төрүөт баар дуо?
Оннук, аккаастанарга төрүөттэр бааллар. Барыларын ааҕыаҕыҥ:
— Дьиэ кэргэн (эбэтэр соҕотох олорор гражданин) орто дохуота биир киһиэхэ олоҕу олоруу таһымыттан 2 төгүл үрдүк;
— Сайабылыанньа биэрээччи докумуоннар ситэтэ суох пакеттарын уонна (эбэтэр) дьиэ кэргэн састаабын, дохуот туһунан сымыйа информацияны биэриитэ.
Онон, түмүктээн эттэххэ, бу курдук:
· Баһаар түмүгэр баайын-дуолун сүтэриитинэн олоххо уустук балаһыанньаҕа түбэспит гражданин сыаллаах-соруктаах үбүнэн көмөнү ылар бырааптаах.
· Онуоха олорор сиргэр чугас баар Нэһилиэнньэ социальнай комускэлгэ уонна улэҕэ управлениетыгар сайабылыанньа биэриэхтээххит, онно бэйэҕитигэр табыгастаах ньыманан наадалаах докумуоннары сыһыарыахтааххыт.
· Үөһээ этиллибитин курдук, дьиэттэн тахсыбакка эрэ, докумуоннары Регионнааҕы судаарыстыбаннай өҥө порталынан биэриэххэ сөп https://e-yakutia.ru/
· Дьиэ кэргэн орто дохуота 2024 сылга СӨ Бырабыыталыстыбата олохтообут биир киһиэхэ тиксэр олоҕу олоруу таһымыттан 2 төгүл үрдүө суохтаах:
I зона – 27 301 х 2 = 54 602 солк.,
II зона – 22 867 х 2 = 45 734 солк.
· Үп-харчы көмөтө олорор дьиэ сайабылыанньа биэрээччигэ эбэтэр кини дьиэ кэргэнин чилиэннэригэр бас билии быраабынан эбэтэр социальнай аренда дуогабарынан баар буоллаҕына оҥоһуллар.
· Бу өҥө 30 күн иһинэн босхо оҥоһуллар.
· Бу өҥөнү оҥорортон аккаастанар төрүөттэр бааллар. Болҕомтоҕутун уурун!
Туох эмэ ыйытыылаах буоллаххытына, сиһилии күнүстэри-түүннэри үлэлиир 8 (800) 100-00-01 нүөмэринэн ыйыталаһыаххытын сөп.
Сообщить об опечатке
Текст, который будет отправлен нашим редакторам: