Хаартыска: pxhere.com/ru/photo
«Ымсыыбыттан буолбакка, дьиэбэр айаннаары гыммытым» диэн холуочук сылдьан массыына уоран баран, айаннаан иһэн алдьаппыт кыыс суукка кэпсээбит.
Дьокуускай куорат суута 20 саастаах Өлөөн оройуонун олохтооҕун, массыынаны уоран барбытынан РФ Холуобунай кодексатын 166 ыстатыйатын 1 чааһынан буруйданар дьыалатын көрдө. Бу туһунан СӨ Сууттарын холбоһуктаах пресс-сулууспата иһитиннэрэр.
Сууттанааччы 2025 сыл сэтинньи 30 күнүгэр 05:35 чаастан 06:42 чааска диэри, арыгы иһэн баран, Дьокуускай куорат Курашов уулуссатын 45 №-дээх дьиэтин аттыгар, дьиэтигэр тиийэр сыаллаах «Toyota Camry» массыынаны уорбут. Массыына хаһаайына суоҕун туһанан, тырааныспары ыытарга сокуоннай көҥүлэ суох, уруулга олорбут уонна Окружной суолга тиийэн светофорга кэтиллибит. Кыыс холуобунай дьыаланы анал бэрээдэгинэн көрөргө хадатаайыстыба биэрбит, ону көмүскээччи, судаарыстыбаннай буруйдааччы уонна эмсэҕэлээбит өрүт өйөөбүттэр. Суут хадатаайыстыбаны толорбут, буруйдааһын баар чахчыта сурукка тиһиллибит, дакаастыбылынан бигэргэтиллибит.
РФ Холуобунай кодексатын 61 ыстатыйатынан суут накаастабылы чэпчэтэр усулуобуйалары учуоттаабыт: буруйу толору билиниитин, оҥорбут быһыытыттан кэмсинэрин, буруйданааччы эдэр саастааҕын, олорбут сириттэн үчүгэй характеристикалааҕын, эмсэҕэлээбит киһи иннигэр бырастыы гынарыгар көрдөспүтүн.
Суут буруйдаах кыыһы РФ Холуобунай кодексатын 166 ыстатыйатын 1 чааһынан буруйдааҕынан билиммит уонна 45000 солкуобай кээмэйдээх ыстараабы төлүүргэ, онтун 5 ый устата бодьохтоон, ыйга 9000 солкуобайы төлүүргэ анаабыт. Сууттаммыт кыыс бириигэбэр сокуоннай күүһүгэр киирээтин 60 хонук иһигэр 9000 солкуобай ыстараабын бастакы чааһын төлүүр эбээһинэстээх. Хаалбыт чааһын бириигэбэр сокуоннай күүһүгэр киирбитэ 4 ый устата төлөөн бүтэриэхтээх.
Суут бириигэбэрэ сокуоннай күүһүгэр киирэ илик.
Мэҥэ Хаҥалас улууһугар Аллараа Бэстээххэ байыаннай дьайыы бэтэрээннэригэр уонна кинилэр дьиэ кэргэттэригэр анаан биисинэс-сэминээр ыытылынна. …
Өс хоһоонугар аһыырга 40 аньыы (бобуу) баар диэн этиллэр. 40, арыт, 44 буоларын бэлиэтииллэр. Дьэ,…
Диспансеризацияны байыаннай дьайыы бэтэрээннэрэ, уопсайа 1381 киһи барбыт. Бу туһунан СӨ доруобуйа харыстабылын министиэристибэтин нэһилиэнньэҕэ…
Бүгүн, олунньу 2 күнүттэн, Саха сиригэр бырабыыталыстыба отчуота маҥнайгынан Муома улууһуттан саҕаланна. Муома улууһугар СӨ…
Нерюнгри оройуонугар быйыл 1,2 мөл. туонна тимир руда хостоноро былааннанар. Өрөспүүбүлүкэ бырамыысыланнаһын уонна геологиятын…
Өрөспүүбүлүкэ борокуруора Сергей Дябкин сорудаҕынан ыытыллыбыт бэрэбиэркэ түмүгүнэн, 2026 сыл тохсунньу 20 күнүгэр икки оҕо,…