Кыыл табаны уонна бүүчээни бултааһын болдьоҕо түмүктэннэ

СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ иһитиннэрэр:

Быйыл тохсунньу 31 күнүгэр маннык көрүҥнэргэ бултааһын болдьоҕо түмүктэннэ:

• — хотугу кыыл табаны (бары бөлөхтөргө)
• — бүүчээҥҥэ (бары бөлөхтөргө)

СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ болдьох бүппүтүнэн, бултуур көҥүллэргитин ылбыт сирдэргитигэр төнүннэриэххэ наада диэн санатар.

Бу көрүҥнэргэ бултаабыт кыылларгыт туһунан иһитиннэриини 10 күн иһигэр биэрбэтэх буоллаххытына, бултааһын уонна бултуур сирдэри харыстааһын сокуонугар сөп түбэһиннэрэн быраабы кэһиинэн административнай эппиэтинэһи сүгүөххүтүн сөп.

Маны таһынан, РФ Айылҕа харыстабылын министиэристибэтин дьаһалынан бигэргэммит бултааһын көҥүлүн биэрии бэрээдэгинэн, олохтоммут болдьоххо кыылы бултаабыттарын туһунан иһитиннэриини биэрбэтэх дьоҥҥо, биир сылга ханнык баҕарар булт көрүҥэр көҥүлү биэрии тохтотуллар.