Хаартыска нэһилиэк дьаһалтатын пресс-кииниттэн
Бүгүн, алтынньы 4 күнүгэр, олохтоох култуура дьиэтигэр Ньурба улууһун Дьиикимдэ сэлиэнньэтин дьаһалтатын көҕүлээһининэн, кэлэр 2025 сылга «Олохтоох көҕүлээһини өйүүр бырагыраама» (ППМИ-2025) бырайыагынан куонкуруска кыттыы саҕаламмытынан, нэһилиэк уопсай мунньаҕа буолан ааста.
Мунньаҕы Дьиикимдэ баһылыга Прокопий Николаевич Осипов иилээн-саҕалаан ыытта. «Олохтоох көҕүлээһини өйүүр бырагыраама» (ППМИ-2025), ону тэҥэ эрдэ олохтоох дьаһалта исписэлиистэрэ бэлэмнээн ыыталаабыт ыйытыктарын түмүгүн иһитиннэрдэ.
Мунньах кыттыылаахтара эһиилги сылга ППМИ -2025 куонкуруһугар туруорсар бырайыактарын тула аһаҕас кэпсэтиигэ кыттан, санаа атастаһыытыгар көхтөөхтүк кытыннылар. Онтон эрдэ ыытыллыбыт ыйытыкка 2 бырайыак куоластааһын түмүгүнэн инники күөҥҥэ тахсыбытын бэлиэтээтилэр. Ол курдук бастакы бырайыак — киин ититэр ситимигэр холбонорго турба ылыыта, иккис бырайыак — нэһилиэк иһинээҕи суолу-ииһи оҥоруу. Түмүккэ мунньахха кэлбит дьон куоластааһыҥҥа кыттыыларынан, баһыйар куолаһы ылан бастакы бырайыак талылынна. Мунньахха барыта 72 киһи кэллэ, онтон бастакы бырайыакка 51 куолас, иккис бырайыакка 21 куолас бэрилиннэ, утарбыт суох.
Мунньахха бу уокуруктан улуус дьокутаата Петр Аркадьевич Осипов оройуон сэбиэтин сиэссийэтин быһаарыныытын кылгастык кэпсээтэ.
Бу курдук Дьиикимдэ олохтоохторо «ППМИ — 2025» конкурска бары биир киһи курдук көхтөөхтүк кыттан, бэйэлэрин санааларын этэн, нэһилиэк сайдыытыгар кылааттарын киллэрсэргэ бэлэмнэрин биллэрэн, үөрэн-көтөн тарҕастылар.
Нэһилиэк дьаһалтатын пресс-киинэ,
Дьиикимдэ, Ньурба.
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…
Лоп курдук 60 сыл анараа өттүгэр, 1966 сыл үүнээри турдаҕына, олохпут хайдах этэй? Бу суругу…
"Дойду бэрэсидьиэнэ Владимир Путин пресс-кэмпириэнсийэтин сүрүн түгэннэриттэн биир дьоһуннаахтарынан, мин санаабар, доруобуйа харыстабылын салаатын каадырдарынан…
Ил Дархан Айсен Николаев быйылгы сыллааҕы түмүктэри таһаарар пресс-кэмпириэнсийэтэ бүгүн, ахсынньы 22 күнүгэр, саҥа үлэҕэ…
Бүгүн, ахсынньы 22 күнүгэр, 05:38 чааска Биир кэлим дьуһуурунай-диспетчер ситимигэр эрийэн, Булуҥ улууһун Быковскай бөһүөлэгэр …