Дина, Арина Авериналар эдэр гимнасткаларга маастар-кылааһы ыытыахтара

Балаҕан ыйын 16 күнүгэр Дьокуускайга Токиоҕа буолбут олимпийскай оонньууларга художественнай гимнастикаҕа үрүҥ көмүс призер, аан дойду, Европа, Арассыыйа хас да төгүллээх чөмпүйүҥкэтэ, успуорт үтүөлээх маастара Дина Аверина уонна аан дойду, Европа, Арассыыйа хас да төгүллээх чөмпүйүҥкэтэ, успуорт үтүөлээх маастара Арина Аверина көтөн кэллилэр. Кинилэр «Газпром – детям» бырайыак чэрчитинэн, эдэр гимнасткаларга маастар-кылааһы ыытыахтара.

Маастар-кылаас балаҕан ыйын 16 күнүгэр күнүс, Дьокуускайга 9-с №-дээх спортивнай оскуола художественнай гимнастикаҕа аналлаах саалатыгар буолуоҕа. Манна спортивнай оскуолаларга уонна кулууптарга дьарыктанар 40 гимнастка чөмпүйүөҥкэлэртэн уопуттарын үллэстэр, ылынар, үөрэнэр ураты сэдэх түгэннэрэ тосхойуоҕа. Бу туһунан Саха сирин Художественнай гимнастикаҕа федерацията иһитиннэрэр.

Киэһэ 5 чаастан Өрөспүүбүлүкэтээҕи медиакииҥҥэ Дина уонна Арина Авериналар пресс-кэмпириэнсийэни биэриэхтэрэ.