Дьиҥнээх сыыры хайдах талабыт?

Маҕаһыыҥҥа сыыры куһуоктарга арааран, салапааҥҥа суулаан уурбут буолаллар. Онон, киһи ыксалга ханнык сыыры ыларыгар болҕомто уурумуон сөп.
Үгүс дьон сыыр атыылаһарыгар сыыстарар, билбэккэ сыыр бородууктатын атыылаһар. Дьиҥнээх сыыры хайдах талабыт?
Анал маҕаһыыннарга киирдэххэ, «сырный продукт» уонна сыыр диэн арахсан туспа эрээккэ атыылана турар буолар. Дьиҥнээх сыыры талар судургу. Ол курдук аатыгар уонна сыанатыгар уратылаһар. Дьиҥнээх сыыр хаҕар «сыр» диэн суруллар. Оттон «сырный продукт» диэн эбэтэр тупсарыллыбыт, кыччатыллыбыт «сырок», «сырный» буолла да бу сымыйа буолар. Састааптара уратылаһар. Дьиҥнээх сыыр састаабыгар үүт, аһытыы, сыжужнай фермент, туус киирэр. Оттон сыыр бородууксуйатыгар «растительнай сыа», пальмовай арыы киирэр. Балар үүт сыатын солбуйаллар. Онон сыыр бородууксуйатын сыаната өрүү чэпчэки буолар.
Сообщить об опечатке
Текст, который будет отправлен нашим редакторам: