Хаартыска: СИА.
“Лена” киинэ тыйаатырыгар уолбунаан уонна сиэмминээн киинэ көрөн кэллибит. Уйуһуйбут санаабын тиэрдиэхпин баҕардым. Настя Диодорованы ааҕан, көрөн билэр уонна сөҕөр этим. Олоҕун-дьаһаҕын хантан билиэмий, суох буоллаҕа…
Кино премьератын истибитим, көрүөхпүн наһаа баҕарбытым, ол баҕам дьэ туолла. Киинэни бэркэ уһулбуттар, уйулҕаны хамсатар, дьулуурдаах буолууга иитэр, олох араас омсотун, биһирэмин, үтүө санааны чуолкайдык, кылгастык көрдөрөн таҥмыттара олус бэрт. Харах уута суох киһи көрбөт, оннук эмоциональнай. Оҕо барахсан “тоҕо манныкпыный” диэн ытыыра киһи сүрэҕин хамсатар. Ийэ эрэйдээх буруйдааҕынан ааҕынар. Ходуһаҕа илдьэ барбытым буоллар дии санаахтыыра оруннаах курдук эмиэ даҕаны. Оҕону туората сатааччыларга өһүрэ санаатым, ол эрээри, аһыныгас, уйан дьоннор баалларыттан үөрдүм, тутум үрдээтим. Настя ийэтин өйдөөтө, аһынна. Кытаанах санааны ылынан ситистэ онтон хаттаан мин үөрдүм, хараҕым уутун туттумматым…
Аҕата кытаанах санаалаах буолан кыыһыгар тирэх буолара олох көстөр. Ийэтэ барахсан аттыттан арахпат. Аһынар тылы быктарбаттар ,бу эмиэ ураты көстүү. Тириэньэрэ булгуруйбат санааны күөдьүтэн, ситиһиигэ тиэртэ.
Киинэ чопчу, элбэх лабысхата, ордук хос киирии суох, баары баарынан көрдөрөн ситиһиини ылыан ылла.
Манна элбэх тиэмэ арыллар: дьиэ кэргэн эйэлээх, өйдөһөр буолуута; дьон-аймах, амарах, уйан буолуута; билигин да мөлтөх, бардам, улахамсык баарын көрдөрүү; оҕону намтата, түһэрэ, аһына санааһыны суох гыныы; оҕоттон сыаллаах-соруктаах, кытаанах санаалаах буолууну ирдээһин; бэйэ-бэйэҕэ болҕомтолоох буолууну ирдээһин.
Ким баҕарар булгуруйбат кытаанах санаалаах, сыаллаах-соруктаах буоллаҕына олоххо тардыһыы баар. Киинэни олус биһирээтим уонна оҥорбут дьоҥҥо махталбын тиэрдэбин. Настя эдэр ийэтин мин үөрэппит оҕом, Кыыллаах Арыы кыысчаана Айталы Куо оонньоон соһутта, үөртэ.
Николай Нутчин-Дьуур.
Күнү-дьылы кэтээн көрөөччүлэр туох дииллэрий? Өрөспүүбүлүкэ соҕуруу, арҕаа өттүгэр сорох сиринэн кыралаан ардыа. Өрөспүүбүлүкэ арҕаа,…
Аҕа дойду Улуу сэриитигэр Кыайыы 80 сылыгар аналлаах маассабай тэрээһиннэринэн сибээстээн, Дьокуускайга ыам ыйын 8-9…
«Мамаев курган. Подвиг артиллериста» киинэ анал көрдөрүүтэ «Якутия 24» телеханаалга ыам ыйын 8 күнүгэр киэһэ…
Ыам ыйын 7 күнүгэр Дьокуускайга Улуу Кыайыы 80 сылын көрсө бырааһынньыктааҕы автопробег буолан ааста. Ааспыт…
Бу күннэргэ сааскы сылаас күннэр турбуттарынан саас кэлиитэ 3-4 суукка иннинэ эрдэлээн иһэр. Покровскай —…
Дойду Үөрэҕириитин миниистирэ Сергей Кравцов Саха Өрөспүүбүлүкэтигэр оробуочай сырыытын кэмигэр Ил Дархан Айсен Николаевы кытта…