Диодоровтар 3 туонна көмөнү хомуйан ыыттылар

Былырыын  күһүн  Москваҕа  Арассыыйа киин госпиталларыгар сытар саллааттарга көмөлөһөр сыаллаах «Волонтеры Саха»  түмсүү тэриллибитэ. 

«Волонтёры Саха» түмсүү  саамай көхтөөх  көмөлөһөөччүлэринэн  Дьокуускай куорат олохтоохторо  —  Светлана Владимировна уонна Владислав Алексеевич Диодоровтар буолаллар.

Диодоровтар  Саха сириттэн уопсайа 3 туонна кэриҥэ аһы-үөлү хомуйан,   Москва, Санкт-Петербург, Владивосток уонна Хабаровскай волонтердарыгар тириэртилэр.  Бу туһунан «Волонтеры Саха» телеграмҥа иһитиннэрдилэр. «Отонунан, этинэн, дьиэтээҕи бурдук аһынан, барыанньанан көмөлөспүт Саха сирин олохтоохторугар махтанабыт. Волонтердар дьиҥнээх доҕотторунан Биир кэлим координационнай киин, «Якутия» АХ, СӨ волонтердарын кытары үлэлиир киин, «Якутия с тобой» пуонда буоллулар», — диэн махталларын биллэрдилэр.