Диодоровтар киинэ туһунан санааларын үллэһиннилэр

»Диодорова. Против течения» киинэни Дьокуускайга аан бастаан көрдөрдүлэр. Көрдөрүөх иннинэ Настя уонна кини ийэтэ Людмила Николаевна санааларын үллэһиннилэр.

— Мин олоҕум устата дьоҥҥо ситиһиилэрбин эрэ көрдөрөр этим. Онтон паралимпиадаҕа тахсар суол чэпчэки буолбат, бүгүн ону барытын көрүөххүт. Онон олус долгуйан эрэбин. Хайдах эрэ итэҕэйбэккэ турабын, — диэн Анастасия санаатын үллэһиннэ.

Оттон ийэтэ Людмила Николаевна Москваҕа буолбут сабыылаах көрдөрүүгэ аан бастаан көрөн баран, олус сөбүлээбитин туһунан эттэ.

»Уус-уран киинэ буолан, кыра уларыйыылар бааллар эрээри, дьиэ кэргэммит олоҕо көстүбүт» диэн кини эттэ.