Диспансеризация: 40-тан үөһээ саастаахтар сыл аайы көрдөрүнэллэр

Нэһилиэнньэ доруобуйатын чинчийэргэ аналлаах диспансеризация Арассыыйа Бэрэсидьиэнэ Владимир Путин көҕүлээбит “Доруобуйа харыстабыла” национальнай бырайыагын чэрчитинэн ыытыллар.

Быйыл диспансеризацияны 2006, 2003, 2000, 1997, 1994, 1991, 1988, 1985 с.т. дьон уонна 40-тан үөһээ саастаахтар сыл аайы көрдөрүнэллэр.

Доруобуйаларын чинчиттэриэн баҕалаахтар мэдиссиинэ тэрилтэлэрин регистратураларын төлөпүөннэрин, “Судаарыстыбаннай өҥөлөр” федеральнай портал,   https://er14.ru/ эрэгийиэннээҕи портал, 122 Биир кэлим контакт-киин нүөмэрин нөҥүө суруйтарыахтарын сөп уонна олорор сиринэн поликлиникаларыгар бараллар.