Хаартыска: Доруобуйа харыстабылын министиэристибэтэ
Олунньу 19-25 күннэригэр Арассыыйа үрдүнэн диспансеризация уонна ыарыыны сэрэтэр чинчийии нэдиэлэтэ ыытыллар. Бу аахсыйа Арассыыйа хас биирдии олохтооҕо бэйэтин доруобуйатыгар харыстабыллаахтык сыһыаннаһарын, бырааска кэмигэр көрдөрүнүү наадалааҕын, туһалааҕын өйдөтөр сыаллаах-соруктаах тэриллэр.
Нэһилиэнньэ доруобуйатын уонна ыарыыны сэрэтэр өрөспүүбүлүкэтээҕи киин иһитиннэрэринэн, диспансеризация Арассыыйаҕа 2013 сылтан саҕаламмыта. Урукку кэмҥэ диспансеризацияҕа кыттыы көрдөрүүтэ мөлтөх буоллаҕына, билигин доруобуйатыгар болҕомто уурар дьон ахсаана элбээтэ. Диспансеризация сүрүннээн ыарахан ыарыылары эрдэттэн быһаарарга туһуланар. Холобур, араак, сүрэх ыарыыта, сахарнай диабет онтон да атын ыарахан ыарыылары быһаартарыахха сөп. Онон, диспансеризация курдук доруобуйа туругун бэрэбиэркэлээһинтэн куотунар сатаммат. Ол кэриэтэ, эрдэттэн олорор сиргинэн балыыһаҕа суруйтаран, доруобуйаҕыт туругун билэргит ордук.
Арассыыйа олохтоохторо, быраабыла быһыытынан, ыарыыны сэрэтэр көрдөрүнүүнү сылын ахсын ааһаллар. Онтон диспансеризация ирдэбилинэн, 18-39 диэри саастаах дьон — үс сылга биирдэ, онтон 40-тан үөһэ саастаах дьон сыл ахсын көрдөрүөхтээхтэр.
Диспансеризация икки түһүмэхтэн турар. Бастакы түһүмэххэ сыстыгана суох, ааһан араҕан биэрбэт ыарыылар баалларын быһаараллар. Бу түһүмэххэ ЭКГ, хаан баттааһынын уонна хааҥҥа холестерины быһаараллар, маммография, флюрография онтон да атын бэрэбиэркэ ыытыллар. Көрдөрүү түмүгүнэн, быраас киһи доруобуйата ханнык бөлөххө сөп түбэһэрин, ол кэннэ ханнык анал көрдөрүнүү наадатын быһаарар. Бу киһи диспансеризация иккис түһүмэҕэр доруобуйатын дириҥэтэн көрүүгэ ыытыллар. Иккис түһүмэххэ кини чопчу туох ыарыылаҕынан туһааннаах быраастарга көрдөрүнэр уонна диспансер учуотугар ылыллар.
Өлүөхүмэ улууһун Уолбуттааҕы "Эйгэ" сынньанар киинигэр "Кэриэстэбил маһа" диэн Кыайыы 80 сылыгар аналлаах аахсыйа буола…
Түөкүттэр Арассыыйа олохтоохторугар дьиэ-уот иниспиэктэрэ буолан эрийэллэр уонна кыбартыыраларыгар төһө дьиэ кыылын иитэн олороллорун ыйыталлар.…
«Тымныы полюһугар Өймөкөөҥҥө айан» кыһыҥҥы туризм бэстибээлэ Өймөкөөн улууһугар да, өрөспүүбүлүкэҕэ да туризмы сайыннарыы стратегическай…
Халтарааҥҥа уулуссаҕа сатыы да, массыыналаах да киһиэхэ улахан мэһэйдэр үөскүүллэр. «Хайдах эрэ гынан охтубатах киһи»…
2025 сылтан Арассыыйаҕа элбэх кыбартыыралаах дьиэлэргэ сылытар радиатордары уларытыыны бэрээдэктиир саҥа нуорма олоххо киирдэ. РФ…
2026 сылга Олоҥхо ыһыаҕа Кэбээйи улууһун Кэбээйи сэлиэнньэтигэр Уһун Хонуу ытык сиргэ ыытыллыаҕа. Бу суолталаах…