Хаартыска: Нарыйаана Ушатова
Хас биирдии киһи доруобуйата бэйэтин илиитигэр. Сылын аайы доруобуйаҕын бэрибиэркэлии, көрдөрүнэ диспансеризация ааһыахтааххын. Куораттааҕы бастакы нүөмэрдээх поликлиникаҕа буор босхо өрөспүүбүлүкэ олохтоохторун көрөллөр. Бу туһунан поликлиника ыарыыны сэрэтиигэ отделениетын сэбиэдиссэйэ Ефросиния Дьячковская кэпсээтэ.
Ол курдук, диспансеризацияны 18 саастарыттан 100 саастарыгар диэри дьон бары ааһар эбит. Үс сылга биирдэ көрдөрүнэҕин. Холобур, быйыл 2005, 2002, 1999, 1996 сыллаахтар доруобуйаларын көрдөрөллөрө булгуччулаах, онтон эһиил 2004, 2001, 1998 сыллаахха төрөөбүт дьон көрдөрүнүөхтээхтэр. Ити курдук үс сылынан көтө-көтө баран иһэр.
Быраас бэлиэтээбитинэн, өскөтүн эһиги сылгыт быйыл диспансеризацияҕа булгуччулаах буотах буоллаҕына, сыллааҕы медосмотр ааһыахтааххын. 40 саастарын туолбут дьон сылын аайы хайаан даҕаны диспансеризацияҕа сылдьыахтаахтар.
Көрдөрүнуу икки чаастан турар, онно наадалаах докумуоннар: паспорт, полис, снилс. Интернет нөҥүө «Гослуги» сыһыарыыга эбэтэр регистратураҕа бэйэтигэр эрийэн суруйтараҕын. Бука бары диспансеризацияны бастакы нүөмэрдээх поликлиникаҕа ааһаллар эбэтэр бэйэн учаастактааҕы бырааскар. Орто, үрдүк үөрэх үерэнээччилэрэ бэйэлэрин үөрэхтэрин балыыһаларыгар эмиэ ааһыахтарын сөп.
Үс сыл иһигэр биирдэ да ааспатаххына, балыыһа үлэһиттэрэ бэйэлэрэ эрийэн ыҥыраллар эбит. Онон доруобуйаҕытын харыстаан, бараҥҥыт көтүппэккэ диспенсаризацияны ааһын, доруобай буолун!
Нарыйаана Ушатова
Диспансеризация
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…
Силиэстийэлиир кэмитиэт Халыматааҕы оройуоннар икки ардыларынааҕы силиэстийэлиир отдела РФ Холуобунай кодексын 30 ыст. 3 ч. …
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…
Арассыыйа Силиэстийэлиир кэмититэтин бэрэссэдээтэлэ Александр Бастрыкин Томпо оройуонугар эр киһи сүппүтүнэн холуобунай дьыала хаамыытын дакылааттыырга…
Эргэ малы-салы мунньар, кэллиэксийэлиир дьон баар буолар. Сорохтор эргэ миэбэли саҥардаллар, тупсараллар. Ретро-мусуойдары батыһа сылдьан…