1-кы түһүмэххэ:
Дьахталларга: эмиий былчархайдарын тутан, чинчийэн көрүү, киэли тиэрбэһин (шейка матки) көрөн баран, эттигин ылан микроскобунан чинчийии, цитологияҕа бэрэбиэркэлээһин. Эр дьоҥҥо: уролог-быраас, эбэтэр, хирург көрүүтэ.
2-с түһүмэххэ:
Дьахталларга: эмиийи, төрүүр-ууһуур уорганнары УЗИ-га түһэрии, инфекцияларга ПЦР-анаалыс, акушер-гинеколог иккис көрүүтэ. Эр дьоҥҥо: спермограмма, ууһатар уорганнары УЗИ-га түһэрии, уролог иккис көрүүтэ.
Бу чинчийиилэр киһи оҕолонор-оҕоломмот кыахтааҕын, туох ыарыылааҕын быһаараллар.
Быйыл ааспыт 7 ый устата 5 тыһыынчаттан тахса дьахтар, 1 тыһыынчаттан тахса эр дьон маннык чинчийиини аастылар. Онно кыайан оҕоломмот буолуу төрүөтэ буолар 893 ыарыыны буллулар.
Ханнык баҕарар ыарыыны саҥа саҕаланан эрдэһинэ, эрдэ булан, эмтээтэххэ, үтүөрэр кыахтаах. Онон бу хаалбыт түөрт ыйга маннык кыаҕы туһанан, доруобуйаҕытын бэрэбиэркэлэнэн хаалыҥ.