Өрөспүүбүлүкэ тыатын хаһаайыстыбатын улуустааҕы управлениеларын отчуоттарыгар олоҕурдахха, бу дьыл алтынньы 24 күнүнээҕи туругунан, бары көрүҥнээх хаһаайыстыбаларга 177688 таба (тохсунньу 1 күнүгэр 171552 этэ) иитиллэн турар. 114 таба иитэр хаһаайыстыба баар, итилэргэ 1010 табаһыт уонна 235 чуум үлэһитэ үлэлииллэр.
СӨ тыа хаһаайыстыбатын уонна аска-үөлгэ бэлиитикэтин министиэристибэтин Хотугу төрүт салааны уонна балык хаһаайыстыбатын комплексын сайыннарыыга отделын салайааччыта Иннокентий Баланов иһитиннэрбитинэн, билигин таба ыстаадалара бары күһүҥҥү-кыһыҥҥы мэччирэҥнэригэр көспүттэр. Ити эрээри, ыстаадалары бөрөлөр буулууллар эбит. Отчуоттуур кэмҥэ 338 ардай аһыылааҕы бултаабыттар. Ордук Үөһээ Халыма улууһугар бөрөлөр элбээбиттэрэ бэлиэтэммит. Онон ыстаадалары бу кыыллартан көмүскээһин миэрэлэрин күүһүрдүбүттэр.
Салайааччы салгыы бэлиэтииринэн, 37415 тугут төрөөбүт (2023 сылга – 34609). Дьааҥы, Кэбээйи, Эбээн Бытантай, Усуйаана улуустарыгар хараал саҕаламмыт.
— Таба иитэр хаһаайыстыбаларга биригээдэлэри кытта сибээһи тутуһалларын курдук, араадьыйа-диспетчер сулууспатын үлэтэ үчүгэйдик тэриллэрэ ирдэнэр. Ону тэҥэ табалары мэччитии торумнаммыт маршрутун тутустахтарына табыллар, — диир Иннокентий Михайлович.
Хаартыска: Л.Бурцева архыыбыттан
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…