Айна Куртц тус архыыбын хаартыскалара
Саха сириттэн сылдьар Айна Куртц диэн модельер, худуоһунньук Москва куоракка муода нэдиэлэтин чэрчитинэн муус устар 28-30 күннэригэр АINAKURTZ брендын атыы-эргиэн бөдөҥ былаһааккаларыгар билиһиннэриэҕэ диэн социальнай ситимҥэ тарҕанна.
Биһиги Айна Куртцы кытта сибээскэ тахсан, бу туһунан ыйыталастыбыт:
— Москва куоракка ыытыллар Муода нэдиэлэтэ хас биирдии дизайнерга, модельерга улахан суолталаах уонна бэйэни киэҥ эйгэҕэ билиһиннэрэргэ тоҕоостоох тэрээһининэн буолар. АINAKURTZ бренд сүүмэрдээһини ааһан бүтүн дойду үрдүнэн 700 кыттааччы ахсааныгар киирбититтэн мин олус үөрэбин. Билиҥҥи туругунан, биһиги үлэлиир хамаандабын кытта АINAKURTZ брендын Дьокуускйага билиһиннэрэр тэрээһини бэлэмнии сылдьабыт. Бу олус улахан суолталаах, үгүс киһини соһутар шоу буолуоҕа. Тэрээһиҥҥэ өрөспүүбүлүкэ таһымнаах үлэһиттэрин хамаандата үлэлэһэ сылдьар. Бастакы кэллиэксийэбитин — SOULMATE дойдубутугар, Саха сиригэр көрдөрөр, билиһиннэрэр санаалаахпыт. Онон Москваҕа ыытыллар муода нэдиэлэтигэр көрдөрүүгэ тахсыбат. Бэлиэтээн этэр буоллахха, АINAKURTZ бренд пааранан таҥас патеннаммыт кэнсиэпсийэтин көрдөрүөҕэ. SOULMATE киһи ис иэйиитин аһаҕастык тиэрдэр бэлиэтинэн буолуоҕа. SOULMATE сүрүн соруга — чугас дьоҥҥо, тулалыыр эйгэҕэ, аан дойдуга тапталы уонна эрэли көрдөрүү.
Бэлиэтээн суруйдахха, биһиги талааннаах Айна Куртц дизайнеры кытта былырыын интервьюлаһан турабыт.
Субуота — Сатурн планета салайар күнэ. Онон бу күн ыксааһыны сөбүлээбэт. Бүгүн саҕаламмыт дьыала уһун…
Ахсынньы 19 күнүгэр сарсыарда Аллараа Бэстээх уонна Төҥүлү икки ардынааҕы суолга дьон өлүүлээх суол быһылаана…
Бүгүн, ахсынньы 29 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
Саха сирин синоптиктарын сабаҕалааһыннарынан бүгүн, ахсынньы 20 күнүгэр хоту хаардыыр, Арктика кытылынан уонна Халымаҕа хаар…
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…