В.П. Ларионов аатынан Физическэй-тиэхиньиичэскэй лиссиэйи бүтэрбит Дмитрий Алексеев икки биридимиэккэ — нуучча тылыгар уонна математикаҕа 100-түү баалы ылбыта. Өрөспүүбүлүкэҕэ билиҥҥитэ кини эрэ иккитэ 100-түү бааллаах. Кини Дьокуускай куорат урукку сүрүн архитектора Ирина Алексеева уола. Бу туһунан ийэтэ телеграм-ханаалыгар үөрүүтүн үллэһиннэ.
Дима кыра эрдэҕиттэн үөрэх туйгуна, Кыһыл көмүс мэтээли ыларга дьулуһар. Кини үөрэҕин таһынан, успуордунан эмиэ дьарыктанар: остуол тиэнниһигэр, волейболга, баскетболга, футболга оонньуур. Маны тэҥэ, охсор-тэбэр үнүстүрүмүөннэргэ эмиэ оонньуур. Өрөспүүбүлүкэтээҕи, Бүтүн Арассыыйатааҕы олимпиадалар хас да төгүллээх кыайыылаахтара, призердара. Кини үөрэҕин уонна дьарыгын, сынньалаҥын сатаан дьүөрэлиир эбит. Туруоруммут сыалын ситиһэр, сүрдээх дьаныардаах оҕо.
Нуучча тылыгар Лариса Романовна Дмитриева, математикаҕа Елена Семеновна Перевознюк үөрэппиттэр. Бу ФТЛ бастыҥ учууталлара буолаллар, урут да 100 баалы ылбыт үөрэнээччилэри бэлэмнээн таһаарбыттара. Маны тэҥэ, репетитордарга эмиэ дьарыктаммыт.
Дмитрий этэринэн, математикаҕа бэйэтигэр эрэллээх эбит, оттон нуучча тылыгар муҥутуур баалы ылыам дии санаабатах, тоҕо диэтэр, барыллаан туттарыыга 100 баалы ылбатах. Кини эбии дьарыктаабыт учууталларыгар, репетитордарыгар махтанар. Инникитин тэхиньиичэскэй хайысхалаах идэни талыан баҕарар.
Дима ыал улахан оҕото, кыра балыстаах уонна бырааттаах. «Ийэм билигин дьиэтинэн-уотунан дьарыктанар, аҕам тутуу эйгэтигэр үлэлиир», — диэн кини «Якутия-Дэйли» саайтка интервьютугар кэпсээбитэ.
Санатар буоллахха, Ил Дархан ыйааҕынан, 100 баалы ылбыт үөрэнээччилэргэ 100 тыһыынча солкуобай бэриллэр.
Дьокуускайга Ленин аатынан болуоссакка музыкальнай фонтаны холбоон бэрэбиэркэни ыыттылар. СИА кэрэспэдьиэнэ миэстэтиттэн ураты көстүүнү видеоҕа…
Алтынньы 4 күнүгэр сарсыарда эрдэ ГАИ сулууспатыгар киин куорат Сэргэлээхтиир шоссе 11 км суол быһылаана…
Томпо улууһун Байаҕантай нэһилиэгэр бүгүн олохтоох көҕүлээһиннэри өйүүр бырагырааманан уонна нэһилиэнньэ көмөтүнэн тутуллубут Учуутал искибиэрин…
Дьокуускай куорат полициятын отделыгар икки тутуу хампаанньатын бэрэстэбиитэллэриттэн тутуу былаһааккатыттан уоруу тахсыбытын туһунан сайабылыанньалар киирбиттэр.…
Ил Дархан Айсен Николаев Горнай улууһугар Элбэх функциялаах сынньалаҥ киин тутуутун хаамыытын бэрэбиэркэлээтэ уонна сыл…
Саха сиригэр быйыл кыһын нуорматтан үрдүк салгын температурата турара күүтүллэр. Саха сиринээҕи Гидрометкиин сулууспатыгар кыһыҥҥы…