Хаартыска: minobrnauki.sakha.gov.ru
В.А. Вонгродскай аатынан Дьокуускай куораттааҕы мэдиссиинэ кэллиэһин дириэктэрэ, өрөспүүбүлүкэ идэҕэ бэлэмниир үөрэҕин тэрилтэлэрин ассоциациятын бэрэссэдээтэл, мэдиссиинэ билимин хандьыдаата, РФ үтүөлээх бырааһа Дмитрий Алексеев Ил Дархан Айсен Николаев Анал этиитинэн санаатын үллэһиннэ.
— Ил Дархан бары салааҕа чопчу соруктары туруорда. Биһиги идэҕэ бэлэмниир үөрэх тэрилтэлэрин быһыытынан, үлэ биэрээччи ирдэбилигэр эппиэттииргэ орто анал үөрэх аатын-суолун уонна исписэлиистэри бэлэмнээһин таһымын үрдэтии соругун өйдүүбүт. Хас биирдиибит үгүс былааннаах, көрүүлээх, үөрэх систиэмэтин саҥардан оҥорууга национальнай бырайыактары олоххо киллэрии эйгэтигэр үгүс үлэни ыытар ирдэнэр.
Дойду бэрэсидьиэнэ Владимир Путин дьиэ кэргэн эйгэтигэр судаарыстыбаннай бэлиитикэни киэҥник тарҕатар уонна дьиэ кэргэн олохсуйбут үгэстэрин чөл хаалларар соруктаах, кэлэр сылы РФ Дьиэ кэргэн сылынан биллэрэрин туһунан Ыйаахха илии баттаабыта улахан суолталаах. Маныаха биһиги уопсастыбабыт дьиэ кэргэн сыаннаһын чөл хаалларыыга бэйэтин кылаатын киллэриэхтээх. Салайааччы быһыытынан, мэдиссиинэ уонна педагогика династияларын көрдөөһүҥҥэ туһаайыллыбыт үлэҕэ болҕомто уурууну бэлиэтэнэбин.
Эдэр ыал уонна эдэр исписэлиистэр үлэлэрин саҕалыыр кэмнэригэр өйөөһүн улахан суолталаах дии саныыбын. Эдэрдэргэ дьиэ боппуруоһа сытыытык турар, онон эдэр ыалы өйүүр инниттэн куоракка барыстаах дьиэлэри киллэриигэ этиини туруулаһар суолталаах. Бүгүн Айсен Сергеевич 2024 сылга Дьокуускай уонна Алдан куораттарга куортамнанар кыбартыыралар тоҕоостоох буолуохтарын бэлиэтээтэ.
2024 сыл өрөспүүбүлүкэҕэ оҕо саас сылынан биллэриллибитэ бэлиэ. Биһиги, мэдиссиинэ кэллиэһэ уһуйаантан саҕалаан үрдүк үөрэххэ диэри оҕону сайыннарыыга ситимнээх үлэ ыытыллыытын сэҥээрэбит.
Дьиэ кэргэн уонна Оҕо саас сыллара биллэриллибиттэрэ, устудьуоннар кыттыылаах доруобай дьиэ кэргэни сайыннарыыга бэйэ-бэйэлэрин ситэрсэн биэриэхтэрэ уонна кэккэ тэрээһиннэр ыытыллыыларыгар туһаайылларынан бэлиэ, — диэн эттэ.
Сыл түмүгүнэн үтүө үгэһинэн, сылын ахсын Оһуокай ыһыаҕа ыытыллар. Быйылгы Оһуокай ыһыаҕа от ыйын 12…
Дьокуускайга Аҕа дойду Улуу сэриитин бэтэрээнэ Петр Константинович Яковлев 100 сааһын туолуутун үөрүүлээх быһыыга-майгыга чиэстээтилэр.…
Хаһаайыстыбаннай мыыла туһата элбэх эбит. Аҥардас таҥас сууйарга эрэ буолбакка, хаһаайыстыбаҕа барытыгар туһаныахха сөп эбит.…
Арассыыйа Бэрэсидьиэнэ Владимир Путин байыаннай таҥас кэтиитигэр уларыйыы киллэрэр туһунан Ыйаахха илии баттаата. Докумуон быраап…
Таатта улууһугар Ытык Күөлгэ ыытыллыбыт күрэс төрүт көрүҥнэригэр XXII “Манчаары оонньууларын” уопсай хамаанданан түмүктэрэ билиннэ. …
От ыйын 10 күнүгэр XXII-с Манчаары оонньууларын чэрчитинэн Д.К. Сивцев-Суорун Омоллоон аатынан Чөркөөх түмэлигэр «Манчаары…