Кэнники сылларга араас бырагырааманан, ол иһигэр Арассыыйа Бэрэсидьиэнэ Владимир Путин көҕүлээбит национальнай бырайыактарынан, Саха сирин улуустарыгар үгүс элбэх социальнай тутуулар үлэҕэ киирдилэр. Муома улууһугар «Доруобуйа» национальнай бырайыагынан аныгылыы оҥоһуулаах балыыһа комплекса киирэн, олохтоохтор сүргэлэрэ көтөҕүллүбүтэ, инникигэ эрэллэрэ улааппыта.
Бүгүн хоту сиргэ доруобуйа харыстабылын эбийиэктэрин тутуу туһунан санаатын Муома улууһун баһылыга Дмитрий Аммосов үллэһиннэ:
— Ааспыт 2023-2024 сс. Муома улууһугар бэлиэ сылынан буолар. Ол курдук, Улахан Чыыстай сэлиэнньэтигэр өрөспүүбүлүкэ бырагырааматынан тутуллан саҥа амбулаторнай поликлиника киирдэ. Тутуу былырыын саҕаламмыта уонна быйыл сыл саҕаланыытыгар үлэҕэ киирдэ. Оборудованиета аныгы технологиянан оҥоһуллубут: икки киһи сытар миэстэлээх, лабораториялаах. Улуус киинигэр Хонууга, ааспыт ыйга Арктика зонатыгар, өрөспүүбүлүкэҕэ, дойдуга даҕаны диэххэ сөп, тэҥэ суох “Доруобуйа харыстабылын бастакы сүһүөх звенотун модернизациялааһын” бырагырааматынан аныгы технологиянан хааччыллыбыт балыыһа үлэлээтэ. Манна мэдиссиинэ сайдыытыгар эппиэттиир саҥа оборудованиелар аҕалыллан, таҥыллан турдулар. Үс мэндиэмэннээх балыыһа комплекса 4 тыһыынча кв. миэтэрэ иэннээх, улахан уонна оҕо поликлиниката, приемнай отделение, диагностика уонна суһал көмө отделениета, фтизиатрия бааллар – бу барыта биһиги дьоммут доруобуйатын туругун бэрэбиэркэлииргэ, эмииргэ төһүү күүһүнэн буолуоҕа.
Онон Муома улууһун доруобуйатын харыстабылын материальнай-тэхэньиичэскэй өттө биллэ тубуста диэххэ наада. Мэдиссиинэ үлэһиттэрэ: кыра, орто мэдиссиинэ үлэһиттэрэ, тэхэньиичэскэй үлэһиттэр, быраастар үлэлииллэригэр усулуобуйа оҥоһулунна. Ол гынан баран саҥа тутуллан киирбит балыыһаҕа саҥа исписэлиистэр, быраастар кэлбиттэринэн, олору олордорго, дьиэнэн-уотунан хааччыйарга кыһалҕа үөскээтэ.
Уопсайынан, эдэр исписэлиистэр, учууталлар, быраастар буоллун, тыа улуустарыгар кэлэн үлэлииллэригэр олорор дьиэ суоҕа уонна интэриниэт мөлтөҕө кыһалҕаны үөскэтэр. Оттон биһиги бэйэбит кыахпытынан бу хайысхаҕа үлэни ыыта сатыыбыт, ол эрээри итиннэ биир кэлим бырагыраама баара буоллар – ордук буолуох этэ. Онон биһиги дьоммут, бу суол-иис мөлтөх, кэлэр-барар билиэт сыаната ыарахан кэмигэр, ыраата барбакка үрдүк хаачыстыбалаах бэрэбиэркэлээһини баралларыгар, эмтэнэллэригэр усулуобуйа оҥоһулунна.
Түгэнинэн туһанан, биһиги Ил Дархаммытыгар Айсен Николаевка, Бырабыыталыстыбаҕа, Арктика уонна Доруобуйа харыстабылын министиэристибэлэригэр махтаныахпын баҕарабын. Итини сэргэ дойдубут Бэрэсидьиэнэ Владимир Путин көҕүлээбит национальнай бырайыактарынан доруобуйа харыстабылын бөдөҥ эбийиэктэрэ тыа сирдэригэр тутуллар кыахтаммыттарынан, ол иһигэр биһиэхэ эмиэ тутуллубутунан, махталбын биллэрэбин. Маннык социальнай суолталаах эбийиэктэр өссө да тутулла туруохтара диэн эрэнэбин.
Ыам ыйын 15 күнүгэр Дьиэ кэргэн аан дойдутааҕы күнүн бэлиэтээтибит. Онон бүгүн айанньыт, орнитолог, фотограф,…
Нам улууһугар Арбын уонна Түбэ сэлиэнньэлэрин икки ардыларыгар муус дьапталҕатын эстэрии ыытыллыбыта түмүктэри аҕалла. Онно…
Психолог сүбэтэ Ксения Ивашковская – Психоневрология өрөспүүбүлүкэтээҕи диспансерын килиниичэскэй психолога, дьиэ кэргэн психолога, консультант,…
Байыаннай дьайыы саҕаланыаҕыттан амарах санаалаах дьон, волонтердар күүс-көмө буолаллар, үгүстэрэ бэйэлэрин сүрүн үлэлэрин таһынан. Госпиталларга…
Өлүөнэ эбэ мууһа Кэбээйи, Нам, Уус Алдан улуустарынан устар. Нам улууһун сиригэр-уотугар 08:00 ч. иһитиннэриинэн,…
Нам улууһугар сааскы халаан уутуттан эмсэҕэлээбит нэһилиэнньэлээх пууннарга уу таһымын туһунан улуус дьаһалтатын пресс-сулууспата иһитиннэрэр.…