Дойду үрдүкү уонна ДНӨ салалталарын көрдөһүүлэринэн, Дмитрий Викторович Бердников ДНӨ Мариуполь куорат баһылыгын бастакы солбуйааччынан үлэҕэ көһөр. Кини алдьаммыт-кээһэммит, урусхалламмыт куораты чөлүгэр түһэриинэн быһаччы дьарыктаныа.
Дмитрий Викторович бу дьыалаҕа улахан үөрүйэхтээх. Кини салайар кэмигэр Иркутскай уобаласка халааҥҥа барбыт Тулун куорат саҥардыллыбыта. Биһиги өрөспүүбүлүкэбит итинтэн туораабат. Манна СӨ Бырабыыталыстыбатын бэрэссэдээтэлин бастакы солбуйааччы Дмитрий Викторович улахан уопуттаах салайааччы буоларын көрдөрбүтэ. Кылгас кэм иһигэр, кини салалтатынан, Бэс Күөлэ (Горнай улууһа) чөлүгэр түһэриллибитэ. Өлүөнэ муостатын тутуу боппуруоһун хамсатыыга баараҕай үлэ ыытылынна. Дмитрий Викторович быһаччы кыттыытынан, өрөспүүбүлүкэҕэ үөрэх эбийиэктэрин саҥардан оҥоруу уонна ДНӨ Кировскай куоратын чөлүгэр түһэрии үлэлэрэ урутаан, инники күөҥҥэ сылдьаллар.
Дмитрий Викторовичтыын Дьокуускай уонна Иркутскай куораттары салайыахпытыттан бэйэ-бэйэбитин үчүгэйдик билсэбит. Кини иннигэр туруоруллубут соруктары саҥа үлэтигэр кыайа-хото тутарыгар эрэнэбин. Тус бэйэм уонна Саха сирин олохтоохторун ааттарыттан Дмитрий Викторовичка Саха сирэ сайдарын туһугар улахан кыһамньытын иһин махталбыт тиэрдэбин!
Ил Дархан Айсен Николаев телеграмҥа тус страницатыгар суруйуутуттан
Хаартыска СИА
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…