Хаартыска: СИА.
Саха сирин бырабыыталыстыбатын бэрэссэдээтэлин солбуйааччынан үлэлээбит Дмитрий Бердников Горнай улууһун Бэс Күөл сэлиэнньэтин олохтоохторун Элбэх өҥөнү оҥорор киин тутулларынан эҕэрдэлээтэ.
— 2021 сыллаахха мин Бэс Күөлүгэр үлэлээбитим, сэлиэнньэни баһаар кэннэ чөлүгэр түһэрэр ыстаабы салайбытым. Ол кэмҥэ Ил Дархан Айсен Николаев олохтоохтору кытта көрсөрүгэр хаарбах туруктаах оскуола саҥа дьиэтэ уонна элбэх өҥөнү оҥорор киин тутуллуо диэн эрэннэрбитэ. Кини көҕүлээһинин бэрэсидьиэн Владимир Путин өйөөбүтэ. Кулун тутар 18 күнүгэр, Крым Арассыыйаҕа холбоспут историческай суолталаах күнүгэр, Бэс Күөлүгэр Элбэх өҥөнү оҥорор киин бастакы сыбаайатын номнуо түһэрдилэр. Былырыыҥҥыттан оскуола тутулла турар.
Атамай нэһилиэгин Бочуоттаах олохтооҕо буоларбынан, Бэс Күөлүн олохтоохторун ис сүрэхпиттэн эҕэрдэлиибин, үөрүүлэрин тэҥҥэ үллэстэбин! Бу саҥа киин нэһилиэк сайдар, айар биһигэ буолан, ыччакка, эдэр ыалларга туһалаах буолуо диэн эрэнэбин! – диэн Дмитрий Бердников төлөннөөх эҕэрдэтин ыытта.
Дмитрий Бердников билигин Мариуполь куорат аҕа баһылыгын солбуйааччынан үлэлиир.
Ил Дархан, бырабыыталыстыба дьаһалтатын пресс-сулууспата.
Дойду Бэрэсидьиэнэ Владимир Путин сылы түмүктүүр быһа эпиирэ буолан ааста, олох бары салаата хабылынна. Бүтүн…
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…