Дмитрий Бястинов: «Өрөспүүбүлүкэ сайдыытыгар ылыныллыбыт бырагыраама түһүмэхтэринэн туолан иһэр»

Хомус аан дойдутааҕы түмэлин дириэктэрэ Дмитрий Бястинов Ил Дархан Айсен Николаев Ил Түмэҥҥэ Анал этиитин көрөн баран санаатын үллэһиннэ.

— Ил Дархан Айсен Сергеевич Николаев Анал этиитин көрөн баран, кэлэр сыл оҕолорго туһаайылларыттан олус үөрдүбүт. Уопсайынан, өрөспүүбүлүкэ социальнай-экэнэмиичэскэй сайдыытыгар ылыныллыбыт бырагыраама түһүмэхтэринэн туолан иһэрин көрөбүт.

Эһиилги сыл өрөспүүбүлүкэҕэ култуураҕа бастыҥ сыл буолуо диэн Ил Дархан бэлиэтээтэ. Ол тэрээһиннэринэн тыа сирдэригэр социальнай эбийиэктэр тутууларын туһунан эттэ. Бу олус үчүгэй. Холобур, өрөспүүбүлүкэ киинэ, киин улуустар эрэ буолбакка, тыа сиригэр биир кэлимник сайдыы бардаҕына үлэ таһаарыылаах буолар, — диэн эттэ.