https://t.me/government_rus
РФ вице-премьерэ Дмитрий Чернышенко, Ил Дархан Айсен Николаев, «Азия оҕолоро» норуоттар икки ардыларынааҕы спортивнай оонньуулар кэмитиэттэрин бэрэсидьиэнэ Владимир Максимов «Азия оҕолоро» VIII норуоттар икки ардыларынааҕы спортивнай оонньуулары түмүктүүр тэрээһиҥҥэ кытыннылар диэн РФ Бырабыыталыстыбатын телеграм ханаалыгар суруйдулар.
Арассыыйа Бэрэсидьиэнин сорудаҕынан бырабыыталыстыба тэҥ уонна элбэх өрүттээх норуоттар икки ардыларынааҕы спортивнай бииргэ үлэлээһини кэҥэтэр. «Азия оҕолоро» оонньуулар сөптөөх, аһаҕас спортивнай күрэхтэһиигэ олоҕураллар. Дмитрий Чернышенко этэринэн, бу киһи барыта тутуһуохтаах сүрүн бириинсибэ буолар.
-Оонньуулар ыытыллыбыттара быданнаата. Дьокуускайга ыытыллыбыт уонна толкуйдаммыт күрэхтэһии, кырдьык норуоттар икки ардыларынааҕы, аан дойду таһымнаах буолла, — диэн бырабыыталыстыба бэрэссэдээтэлин солбуйааччы бэлиэтээн эттэ. Кини спортсменнарга, тэрийээччилэргэ, волонтердарга, ыалдьытымсах Дьокуускай олохтоохторугар махталын биллэрдэ.
Вице-премьер «Азия оҕолоро» оонньуулар оҕо уонна ыччат спортивнай хамсааһыннарын сайдыытыгар сүҥкэн кылааты киллэрэллэрин, күрэхтэһиилэр кыайыылаахтара мөлүйүөнүнэн оҕолорго холобур буолалларын бэлиэтээн эттэ.
«Азия оҕолоро» оонньуулар успуорт 24 көрүҥэр ыытыллаллар. Күрэхтэһиигэ 24 дойдуттан 2 тыһыынчаттан тахса спортсмен уонна 1,9 тыһыынча волонтер кыттар.
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…