Дмитрий Чернышенко Саха сиригэр кэллэ

Саха сиригэр оробуочай сырыытынан РФ Бырабыыталыстыбатын бэрэссэдээтэлин солбуйааччы Дмитрий Чернышенко кэллэ.

«Дмитрий Николаевичтыын оробуочай көрсүһүү кэмигэр өрөспүүбүлүкэҕэ үөрэх, успуорт уонна туристическай кыаҕын сайыннарыы боппуруостарын дьүүллэстибит. Саха сиригэр федеральнай таһымҥа дьүүллэһиини эрэйэр этиилэри киллэрдим»,-диэн Ил Дархан Айсен Николаев ТГ-ханаалыгар суруйар.

Вице-премьер Дьокуускайга «Азия оҕолоро» норуоттар икки ардыларынааҕы спортивнай оонньуулары сабыы сиэригэр-туомугар кыттыаҕа. Ону кытта кини Саха сирин ыччатын, устудьуоннарын, спортсменнарын уонна волонтердарын кытта көрсүөҕэ.