Хаартыска: М.Гоголева (СИА)
Бэҕэһээ, балаҕан ыйын 12 күнүгэр, “Лена” киинэ тыйаатырыгар Дмитрий Давыдов “Чума” киинэтин суруналыыстарга көрдөрдүлэр.
Киинэ иннинэ продюсер Яна Байгожаева киинэҕэ уһуллубут Эрхан Слепцову уонна үлэлэспит эдэр дьону сыанаҕа ыҥыран билиһиннэрдэ. «Чума» режиссера, СӨ ускуустубатын үтүөлээх диэйэтэлэ, “Кинотавр” 31-с бэстибээл сүрүн бирииһин ылбыт Дмитрий Давыдов бэйэтэ командировкаҕа сылдьар буолан кыайан кэлбэтэх.
Киинэҕэ обургу саастаах уолаттары соҕотоҕун иитэр аҕалар уонна кинилэр уустук сыһыаннара көрдөрүллэр.
Сүрүн оруолу толорооччу Эрхан Слепцов бу бастакы улахан оруола буолбатах. Кини Михаил Лукачевскай “Кыталыктаах кырдалым” уонна Любовь Борисова “Не хороните меня без Ивана” киинэлэригэр уһуллубута. Эрхан бу киинэни хас биирдии көрөөччү бэйэтин оҕотун хараҕынан көрөрүгэр уонна ылынарыгар баҕарда.
Бэйэтэ үгүс киинэлэрдээх режиссер Степан Бурнашев бу сырыыга киинэни таҥааччы быһыытынан үлэлээтэ. Кини киинэ Аммаҕа сылдьар кэмигэр уһуллубут буолан тута үлэлэһэн барбытын, бары биир хамаанда буолан өйдөһөн үлэлээбиттэрин туһунан кэпсээтэ. Киинэҕэ Саха сирин эрэ дьонун олоҕо, онно буолбут түбэлтэ көрдөрүллэр буолбакка, маннык түгэннэр дойду ханнык баҕарар дэриэбинэтигэр, олоҕор-дьаһаҕар буолуохтарын сөбүн туһунан эттэ.
Висбадеҥҥа goEast! бэстибээлгэ ФИПРЕССИ наҕарааданы ылбыт киинэ балаҕан ыйын 19 күнүттэн киинэ тыйаатырдарыгар көрдөрүллүөҕэ. Киинэни устааччылар «Үтүө санааны мөлтөх буолуу курдук ылыныма» диэн эрэкэлээмэлээх киинэ ситиһиилэнэригэр эрэллэрин биллэрдилэр. Оруоллары толорооччулар Георгий Бессонов, Эрхан Слепцов, Евгений Николаев, Радмир Романов киһи дууһатын таарыйар гына олус итэҕэтиилээхтик оонньоотулар.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…