Дмитрий Давыдов саҥа киинэтэ «GoEast» бэстибээлгэ кыттар

Дмитрий Давыдов “Чума” диэн ааттаах саҥа киинэтэ «GoEast» киинэ бэстибээл сүрүн бырагырааматыгар кыттар.

«GoEast» биир бастыҥ бэстибээллэригэр киирсэр. Давыдов киинэтин муус устар 25-26 күннэригэр бэстибээл чэрчитинэн көрдөрүөхтэрэ. Бэстибээллэри кэритэн баран быйыл Давыдов киинэтэ Саха сиригэр сүрэхтэнэрэ күүтүллэр.

“Чума” икки чугас олорор ыаллар туһунан сэһэнниир. Икки уол оҕолоох соҕотох аҕалар Влад (Евгений Николаев) уонна Иван (Георгий Бессонов) уустук сыһыаннаахтар. Влад куруутун сэмэй майгылаах Иваны атаҕастыыр, элэктиир. Биирдэ Влад аҕатын кырбаабытын кэнниттэн, төрөппүт уола аҕата мөлтөҕүттэн кэлэйэн киниттэн тэйэр, атаҕастааччыны кытта чугасыһар.