«Алдан» патриотическай киинэбит сарсыҥҥыттан, ыам ыйын 1 күнүттэн, көрөөччүгэ тиийиэ. Арассыыйа уонна Запорожье холбоһуктаах киинэтэ бүгүн «Лена» киинэ тыйаатырыгар көстөн саҕаланна.
Бүгүннү көрдөрүүгэ киинэни устааччылар, артыыстар, ыҥырыылаах ыалдьыттар кэллилэр.
Кинилэр ортолоругар Саха сириттэн байыаннай дьайыыга сылдьан Арассыыйа Дьоруойдара буолбут байыастарбыт бааллар. Режиссер Дмитрий Кольцов, Арассыыйа артыыһа Дмитрий Дюжев, сүрүн оруолу толорооччу Илья Яковлев уо.д. а бааллар. Эрхаан уонна уоппускаҕа кэлбит уола «Кыайыы кынаттаах» ырыаларын толордулар.
СӨ бырабыыталыстыбатын бэрэссэдээтэлин солбуйааччы Анатолий Семенов биһиги ыччаттарбыт дойдуларын көмүскүү сылдьалларын, онон маннык киинэлэри устар улахан суолталааҕын бэлиэтээтэ. Ону сэргэ киинэ элбэх мөккүөр кэннэ уһуллубутун да иһин, РФ бэрэсидьиэнэ В. Путин уонна Ил Дархан өйөөбүттэрэ. Бэрэссэдээтэли солбуйааччы Данил Куликовка уонна Дмитрий Дюжевка СӨ бырабыыталыстыбатын Махтал суругун уонна саха быһаҕын туттарда. Данил
Куликов бу киинэ Саха сирин кытта хайыы үйэ үһүс холбоһуктаах бырайыактара буоларын, Саха сирэ киинэ индустриятыгар бастыҥ холобур буоларын, онон хас биирдии эрэгийиэн бэйэтин дьоруойдарын туһунан киинэ уһулуохтааҕын туһунан эттэ.
Дмитрий Дюжев эҕэрдэтин сахалыы «Махтал» диэн тылынан саҕалаата. «Эһиги өрөспүүбүлүкэҕитин барыларыгар холобур туттабын. Эһиги талааҥҥытыгар, мындыр өйгүтүгэр, хорсун санааҕытыгар олус махтанабын. Бу киинэҕэ уһуллубуппунан олус дьоллоохпун» — диэн Ил Дархаҥҥа, Арассыыйа Дьоруойдарыгар махтанабын диэтэ.
Сайыҥҥы баһаар сезонун иннинэ, СӨ Экологияҕа, айылҕаны туһаныыга уонна ойуур хаһаайыстыбатын министиэристибэтэ сынньана сылдьар дьоҥҥо…
Билайн оператор аан дойду үрдүнэн тымныытынан аатырбыт "Тымныы Полюһугар" -- Өймөкөөн сэлиэнньэтигэр 4G интэриниэти холбоото.…
Бүгүн, муус устар 30 күнүгэр, Саха сиригэр дойду бары эрэгийиэннэригэр курдук, Аҕа дойду Улуу сэриитигэр…
Хас хонон турдахпыт аайы Улуу Кыайыы 80 сыллаах өрөгөйдөөх үбүлүөйэ чугаһаатар чугаһаан иһэр. Биһиги, сэриини…
Ардах кэнниттэн Дьокуускай кууран эрэр буоллаҕына, Аллайыахаҕа билигин да хаар тоҥ сытар. -- Бүгүн улуус…
Мэҥэ Хаҥалас улууһун 49 саастаах олохтооҕо суут быһаарыныытынан, ый аайы үс оҕотун көрүүгэ-истиигэ 30 тыһ.солк.…