Дмитрий Егоровка Арассыыйа Дьоруойа аат иҥэрилиннэ

Бүгүн, алтынньы 9 күнүгэр,  Владимир Путин ыйааҕынан хорсуннук сэриилэһэ сылдьан тыына быстыбыт Дмитрий Егоровка Арассыыйа Дьоруойа аат иҥэрилиннэ.

Дмитрий Егоров Тихоокеанскай флот Жуков уордьаннаах 155-с гвардейскай пехотатыгар сулууспалаабыта.

Саха уола Донецкай Норуодунай өрөспүүбүлүкэ Новомайорскай нэһилиэнньэлээх пуунун аттыгар өстөөҕү кытта киирсэ сылдьан дьоруойдуу охтубута. Кини ВСУ штурмовой бөлөҕүн сороҕун эһэн, өстөөҕү тэйиппитэ. Ол эрээри улаханнык бааһыран, сырдык тыына быстыбыта.

Дмитрий Сунтаартан сылдьар буолан, «Сунтаар» диэн позывнойдаах этэ.

Бүгүн Айсен Николаев дьоруой аҕатын уонна бииргэ төрөөбүттэрин кытары көрүстэ.