Саха сиригэр туризм салаатын сайыннарыыга араас хайысхалаах үлэ ыытыллар.
Ол да иһин, бу салааны сайыннарыыга үлэлии сылдьар үгүс киһи Ил Дархан Айсен Николаев туризмҥа сыһыаннаан этиитигэр болҕомтотун анаан уурда. СӨ «Туризм сайдыытын уонна территориальнай маркетинг ааҕыныстыбата” ГАУ генеральнай дириэктэрэ Дмитрий Громов санаатын бу курдук үллэһиннэ:
— Ил Дархан Айсен Николаев 2019 сыллаахха Ил Түмэҥҥэ этиитигэр туризмы сайыннарыыга Саха сиригэр кэлэр ыалдьыты көрсүүгэ улахан болҕомто ууруллуохтааҕын, онуоха бу салааҕа үлэлиир дьон биир-биир хайдыспакка, сомоҕолоһон үлэлииллэригэр ыйбыта. Бүгүҥҥү күҥҥэ ол Анал этиигэ олоҕуран, тустаах министиэристибэ уонна ааҕыныстыба өйөөн, туризм сайдыытыгар туһуламмыт үс анал идэтийбит холбоһук бииргэ үлэлии сылдьабыт. Ол курдук, Туристическай индустрия ассоциацията (толорооччу дириэктэр Аркадий Дорофеев) туроператордары, турагеннары түмэр. Бу Саха сиригэр ыалдьыттары үрдүк таһымнаахтык көрсүһэри тэрийэр холбоһук. Ыалдьыты көрсүү ассоциацията (салайааччы Татьяна Тымырова) — Саха сиригэр кэлбит ыалдьыты үрдүк таһымнаахтык көрсүүгэ ресторатордары, отельердары, турбаазалары түмэр холбоһук. «Саха сиригэр оҥоһуллубут» хайысханы сүрүннүүр олохтоох оҥорон таһаарааччылар ассоциациялара (салайааччы Ольга Григорьева) — Саха сирин туһунан өйдүү-саныы сылдьарга туһуламмыт кэһиини оҥорор дьон холбоһуктара. Онон Ил Дархан хас биирдии анал этиитин кэнниттэн туризм сайдыытыгар анаан туох эрэ хамсааһын хайаан да тахсарын бэлиэтиир тоҕоостоох.
Быйылгы Анал этиигэ туризм хайысхата экэниэмикэ биир сүрүн салаатын быһыытынан туспа таарыллыбыта кэрэхсэбиллээх. Бу туризм үгүс дьоҥҥо эбии хамнас буолбакка, сүрүн дьарык буолбутун туоһулуур. Онон Ил Дархаммыт биһиэхэ, туризм сайдыытыгар үлэни сүрүннүүр дьоҥҥо, улахан соругу туруорда — туристическай маршруттарбытыттан саҕалаан бөдөҥ инфраструктурнай эбийиэктэрбитигэр ураты болҕомтону ууран, сонун сүүрээннэри олоххо киллэрии. Бу хайысхаҕа үгүс тосхолу торумнаан үлэлии сылдьар дьон Ил Дархан Анал этиитэ сөптөөх хайысханы тутуһан үлэлиирбитин бигэргэттэ диэн үгүс ыйыыны, соругу үөрэ ылынныбыт.
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…
Дьокуускай киинигэр массыына дьиэ эркинигэр курдат саахаламмыт курдук оҥоһуллубут арт-эбийиэги көтүрдүлэр. Инсталляция Ленин проспегар турар…
Субуотаттан, от ыйын 12 күнүттэн саҕалаан, Саха сиригэр нэдиэлэ устата магнитнай буурҕа саҕаланыа. Мөлтөөһүн аныгыскы…
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…