Хаартыска -- Дмитрий Громов тиксэриитэ.
РФ Бэрэсидьиэнэ Владимир Путин ис туризм сайдыытын уонна эрэгийиэн аайы бренд сайдыытын туһунан этиитин бу эйгэҕэ үлэлиир дьон биһирии ылыннылар.
Тыа сирин олохтоохторо бэйэлэрэ оҥорон таһаарбыт бородууксуйаларын атыылыыр «Аччыгый баһаар» кэпэрэтиип-ырыынагы тэрийээччи Дмитрий Громов санаатын маннык үллэһиннэ:
— Дойду бэрэсидьиэнэ туризм салаата бэрт тэтимнээхтик үлэлиирин бэлиэтээбититтэн, мин бу эйгэ сайдыытыгар үгүс сырабын биэрбит киһи олус үөрдүм. Өссө балаҕан ыйыгар Владимир Путин Чукотскай кыраай, Саха сирэ уонна Магадаан уобалаһа туризмы сайыннарыыга бары кыахтарын туһаналлар диэн этэн турар. Мин, туризм бары салаатын кытта ыкса сибээстээхтик үлэлиир киһи, дойду бэрэсидьиэнэ бу эйгэҕэ улахан болҕомтотун уурарын уонна өрүү өйүүрүн билэбин. Туризм дойдубут сайдыытын биир кэскиллээх хайысхатынан буолар. Биллэн турар, бу эйгэҕэ тэтимнээх үлэни тэрийии үгүс сыраны, бириэмэни эрэйэр. Онон, бастатан туран, уопутура да таарыйа, бастаан бэйэбит Сахабыт сирин туристарын кэрэхсэтэн, билигин үлэлии турар туристическай маршруттары күүстээхтик сырдатыахха, билиһиннэриэххэ наада. Онтон кэлин ол бренд өрөспүүбүлүкэ таһыттан кэлэр туристары тардыаҕа. Билигин тымныыбытын, Тымныы полюһун Өймөкөөн Чысхаанын бренд оҥорон, тыйыс тымныыны эт хараҕынан көрөөрү, ураты амтаннаах аспытын амсайаары уонна этиэхтэн кэрэ айылҕабытын илэ бэйэтин көрөөрү, тохсунньу бытарҕан тымныытын, ыраах айаны аахсыбакка, араас дойдуттан туристар анаан кэлэллэр. Туризмы сайыннарыыга бренд суолтата олус улахан. Онон атын да туристическай маршруттарбытын бренд оҥорор уолдьаста.
Силиэстийэлиир кэмитиэтин (СК) баһылыга РФ Бэрэсидьиэнин быһа сибээһигэр этиллибит Саха Өрөспүүбүлүкэтин олохтоохторун бырааптара кэһиллибитин туһунан…
Саҥа дьыллааҕы сиэр-туом хаһааҥҥыттан олохсуйбута биллибэт эрээри, дьон тутуһар: 1.Үүнэр сылга харчы кыһалҕата кыһарыйбатын туһугар,…
Ил Дархан Айсен Николаев оҥорон таһаарыы уонна туһаныы бөҕүн-сыыһын, ол иһигэр кытаанах тобохтору (КТ) хомуйуу…
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников, РФ Бэрэсидьиэнин Владимир Путин пресс-кэмпириэнсийэтин түмүктэринэн Саха…
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…