Хаартыска: Дмитрий Иванов тиксэриитэ
«Нэһилиэкпит хас биирдии олохтооҕо уолаттарбыт этэҥҥэ кыайыы аргыстаах эргиллэн кэллэллэр диэн баҕалаах бука бары биир санаанан күүс-көмө буолаллар», — диэн кэпсиир Ньурба улууһун Сүлэ нэһилиэгин баһылыга Дмитрий Иванов.
— Биһиги нэһилиэктэн Украинаҕа байыаннай эпэрээссийэҕэ кытта сылдьар уолаттарбытыгар, кинилэр дьиэ кэргэттэригэр олохтоох дьаһалта, уопсастыбаннай түмсүүлэр, тэрилтэлэр, нэһилиэкпит бары олохтоохторо биир санаанан күүс-көмө буолаллар. Ол курдук, ыччаттарбыт кыстык кэмигэр мас хайытыытыгар көмөлөстүлэр, нэһилиэк эр дьоно муус ылан тиэйиигэ, олохтоох дьаһалта техническай туттар уунан хааччыйыыга, тыраахтар өҥөтүнэн көмөлөһөр.
Ийэлэрбит, эбээлэрбит иистэнэн, сылаас таҥастары, онтон да атын малы-салы тигэн, улаханнык көмө-тирэх буолаллар. Сэтинньигэ хас бирдии уолбут дьиэ кэргэнигэр урбаанньыт Андреев А.Н. ас бородууктатын набуорун оҥорон көмө оҥорбута хайҕаллаах. Дойдубут Бэрэсидьиэнэ Владимир Путин байыаннай сулууспалаахтарга 14 күн уоппуска туһунан уурааҕа олоххо киирэн, номнуо икки уолбут дойдуларыгар кэлэн, күүс-уох ылан, дьоннорун-сэргэлэрин көрсөн, салгыы Ийэ дойдуларын көмүскүү бардылар. Уоппускалаах уолаттарбытыгар «Байар» ТХПК үүт ас набуорун биэрэн, дойдуларын амтаннаах аһынан күндүлээтэ.
Нэһилиэкпит хас биирдии олохтооҕун баҕа санаата – уолаттарбыт бары этэҥҥэ кыайыы аргыстаах түргэнник эргиллэн кэллэллэр диэн.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…