Дмитрий Килигин профессиональнай сатабыл чөмпүйэнээтигэр кытта сылдьар

Байыаннай дьайыы бэтэрээнэ Дмитрий Килигин байыаннай дьайыы бэтэрээннэрин ортолоругар ыытыллар профессиональнай сатабыл бастакы чөмпүйэнээтигэр кыттар.

Арассыыйа бэрэсидьиэнин сорудаҕынан ыытыллар «Абилимпикс» чөмпүйэнээтин күрэхтэһиитэ бүгүн Казань куоракка саҕаланна.

Биһиги биир дойдулаахпыт “Массыына өрөмүөнэ уонна көрүүтэ-харайыыта” көрүҥҥэ кыттар. Күрэхтэһии икки түһүмэхтээх: ис уматыктаах мотуору ыһыы, диагностикалааһын уонна хомуйуу, ону тэҥэ механическай редукторы диагностикалааһын уонна өрөмүөн.

Дмитрий Килигин “Аҕа дойду көмүскээччилэрэ” судаарыстыбаннай пуонда филиала чөмпүйэнээккэ күүһүн бэрэбиэркэлииргэ этии киллэрбитин эттэ.

«Мин санаабар, бу күрэхтэһиигэ кыайыы буолбакка, кыттыы уонна уопут атастаһыыта сүрүн буолар», — диэн байыаннай дьайыы бэтэрээнэ санаатын үллэстибитин Ил Дархан, бырабыыталыстыба пресс-сулууспата суруйда.