Салгыы
«Дмитрий Коркин — 2022» кэриэһигэр турнир мэтээлин көрдөрдүлэр!

«Дмитрий Коркин — 2022» кэриэһигэр турнир мэтээлин көрдөрдүлэр!

Ааптар:
19.10.2022, 18:26
Бөлөххө киир:

Дьокуускайга алтынньы 28-29 күннэригэр САССР,  РСФСР, ССРС үтүөлээх тириэньэрэ Дмитрий Петрович Коркин кэриэһигэр көҥүл тустууга норуоттар икки ардыларынааҕы турнир ыытыллаары турар.

Бу далааһыннаах улахан күрэхтэһиини көрсө, «Триумф» спорт уораҕайыгар наҕараадалары көрдөрдүлэр, билиһиннэрдилэр. Бу туһунан «Спорт Якутии» суруйда.

??????????

Дмитрий Коркин кэриэһигэр ыытыллар норуоттар икки ардыларынааҕы турнир мэтээлэ олус үчүгэй, кырасыабай. Дьэс алтантан кутуллубут.

Мэтээл сүрүн сирэйигэр тириэньэр Дмитрий Петрович Коркин уонна кини иитиллээччилэрэ — олимпиецтар Роман Дмитриев, Павел Пинигин уонна Александр Иванов мэтириэттэрэ ойууламмыттар. Наҕараада эскииһин СӨ сүүмэрдэммит хамаандатын бэлэмниир спорт Киинин үлэһиттэрэ толкуйдаабыттар, «Офсет» хампаанньа оҥорбут.

Тэрийээччилэр бастакы өйдөбүнньүк мэтээллэри улуу тириэньэр иитиллээччилэригэр, олимпийскай чөмпүйүөн Павел Пинигиҥҥэ, Олимпиада үрүҥ көмүс призеругар Александр Ивановка уонна «Үтүө дьулуур оонньууларын» кыайыылааҕар Василий Гоголевка туттардылар. Онтон атын мэтээллэргэ номоххо киирбит тириэньэр чиэһигэр турнирга кыайыылааҕынан тахсыбыттар тиксиэхтэрэ.

Норуоттар икки ардыларынааҕы күөн күрэс түһүлгэтигэр тас дойдуттан тиийэ кыттыахтара. Маны сэргэ, турнирга Арассыыйа сүүмэрдэммит хамаандатын чулуу спортсменнара түмсэллэр.

Күрэхтэһиигэ киирии төлөбүрдээх. Бастакы күн киирии билиэт сыаната 500 солк. иккис күн — 700 солк. Билиэттэр алтынньы 20  күнүттэн атыыланаллар.

Билиэти  www.csp-sakha.ru ылыахха сөп диэн Sportyakutia.ru  иһитиннэрэр.

Бары сонуннар
Салгыы
9 февраля
  • -48°C
  • Ощущается: -48°Влажность: 63% Скорость ветра: 0 м/с

Сообщить об опечатке

Текст, который будет отправлен нашим редакторам: