Дмитрий Коркин турнирыгар киирбит харчыны байыаннай дьайыыга ыыттылар

 РСФСР, ССРС уонна ЯАССР үтүөлээх тириэньэрэ Дмитрий Коркин аатынан XV норуоттар икки ардыларынааҕы көҥүл тустуу турнирыгар билиэттэри атыылаан 1,15 мөл. солк. киирбит харчыны анал байыаннай дьайыы кыттыылаахтарын өйүүргэ ыыттылар.

Үбү-харчыны Физическэй култуураҕа уонна успуорка министрэ Леонид Спиридонов Донбасска көмөлөһөр уонна өйүүр Хотугулуу-илиҥҥи пуонда салайааччытыгар Георгий Куркутовка туттарда.

Биэдэмистибэ салайааччыта бэлиэтээбитинэн успуорт уопсастыбаннаһа дойду көмүскээччилэригэр өйөбүлү мэлдьи оҥорор.

Санатан эттэххэ, Дмитрий Коркин аатынан көҥүл тустууга норуоттар икки ардыларынааҕы турнир бу сыл алтынньы 21 күнүгэр түмүктэммитэ. Быйылгы күрэхтэһиигэ Арасыыйаттан 190  уонна тас дойдуттан 12 спорстмен кыттыбыта. Саха сирин сүүмэрдэммит хамаандата икки кыһыл, биир үрүҥ көмүс уонна үс боруонса мэтээли ылбыта.