Салгыы
Дмитрий Лепчиков: «Өрөспүүбүлүкэтээҕи суһал ыстаап үлэтин салгыыр»

Дмитрий Лепчиков: «Өрөспүүбүлүкэтээҕи суһал ыстаап үлэтин салгыыр»

Ааптар:
15.12.2022, 12:10
Бөлөххө киир:

Украинаҕа, Донецкай уонна Луганскай Норуодунай Өрөспүүбүлүкэлэргэ анал байыаннай эпэрээссийэҕэ кыттааччылары эбии хааччыйыыны сүрүннүүр уонна хардарыта бииргэ үлэлэһэр СӨ суһал ыстаабын бэрэссэдээтэлин солбуйааччы, СӨ нэһилиэнньэҕэ куттал суох буолуутун хааччыйар Судаарыстыбаннай кэмитиэт бэрэссэдээтэлэ Дмитрий Лепчиков ыстаап үлэтин чэрчитинэн ыытыллар үлэ туһунан кэпсиир:

— Санатан эттэххэ, 2022 сыл алтынньы 10 күнүгэр 962 нүөмэрдээх дьаһалынан Саха Өрөспүүбүлүкэтин Бырабыыталыстыбата Украинаҕа, Донецкай уонна Луганскай Норуодунай Өрөспүүбүлүкэлэргэ анал байыаннай эпэрээссийэҕэ кыттааччылары эбии хааччыйыыны сүрүннүүр уонна хардарыта бииргэ үлэлэһэр сыаллаах суһал ыстаабы тэрийбитэ. Манна эппиэттээх биэдэмистибэнэн СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэтэ анаммыта.

Ыстаап сүрүн соруктарынан өрөспүүбүлүкэ судаарыстыбаннай уорганнарын, олохтоох салайыныы уорганнарын уонна олохтоох тэрилтэлэр күүстэрин түмэн үлэлииллэрин тэрийии, мобилизованнайдары хааччыйыы боппуруостарын бииргэ суһаллык быһаарыы, ыытыллар үлэлэри хонтуруоллааһын буолар.

Бары билэргит курдук, Ил Дархаммыт анал байыаннай эпэрээссийэҕэ ыҥырыллыбыттар дьиэ кэргэттэрин өйүүргэ кэккэ судаарыстыбаннай таһымнаах миэрэлэри ылыммыта. Ол дьаһалларынан тустаах көмө үлэтэ оҥоһуллар. Улуус уонна нэһилиэк баһылыктарын дьаһалларынан көмө үлэтэ эмиэ тэриллэр, ыытыллар.

Олохтоох нэһилиэнньэ уонна баҕа өттүнэн үлэлиир уопсастыбаннай тэрилтэлэр, хамсааһыннар Ил Дарханы уонна Бырабыыталыстыбаны кытта ыкса ситимнээхтик үлэлииллэрэ көдьүүстээх. Айсен Сергеевич тус өйөбүлүнэн уонна Бырабыыталыстыба көмөтүнэн анал байыаннай эпэрээссийэҕэ кытта сылдьар биир дойдулаахтарбытыгар хас да төгүллээн көмө тиэрдиллибитэ, анал тирэх пууннар арыллыбыттара. Бу пууннарга малы-салы ыытыы, тиэрдии систиэмэтэ толору үлэлиир, таһаҕас тиийэр сирдэрин, мобилизация боппуруостарынан дьарыктанар структуралары кытта сибээс баар.

Саха сириттэн ыҥырыллыбыттарга уонна кинилэр дьиэ кэргэттэригэр көмөлөһөргө, өйүүргэ улахан үлэни Арассыыйатааҕы «МЫВМЕСТЕ» норуот фрона, өрөспүүбүлэкэтээҕи «Саха сирэ эйигин кытта» («Якутия с тобой») уопсастыбаннай хамсааһын, байыаннай дьайыылар бэтэрээннэрин «Боотур» ассоциацията уонна да атын уопсастыбаннай хамсааһыннар оҥороллор.

Арассыыйа Бэрэсидьиэнэ уонна Саха сирин Ил Дархана мобилизованнайдары эбии хааччыйыыга дьаһаллара толоруллаллар. Билиҥҥи туругунан өрөспүүбүлүкэтээҕи суһал ыстаап хааччыйыы үлэтин салгыыр. Онон өрөспүүбүлүкэ Арассыыйа Бэдэрээссийэтин Сэбилэниилээх күүстэригэр бэйэтин сүдү көмөтүн оҥоро турар.

Арассыыйабыт көмүскэнэр кыаҕын бөҕөргөтөргө, туруоруллубут байыаннай соруктары толорорго уонна стратегическай сыаллары ситиһэргэ Саха Өрөспүүбүлүкэтиттэн ыҥырыллан тиийбит күүстэри өйүүргэ тус бэйэтин кылаатын киллэрбит хас биирдии киһиэхэ махталбытын тиэрдэбит. Салгыы үлэлиибит!

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -14°C
  • Ощущается: -21°Влажность: 40% Скорость ветра: 4 м/с

Сообщить об опечатке

Текст, который будет отправлен нашим редакторам: